आजचे पंचांग – Today’s Horoscope 27 July 2023 – जाणून घ्या आजचे राशिभविष्य
आजचे पंचांग –
वार – गुरुवार.
27.07.2023.
शुभाशुभ विचार- वर्ज्य दिवस.
आज विशेष- नवमी-दशमी श्राद्ध.
राहू काळ – दुपारी 1.30 ते 3.00.
दिशा शूल – दक्षिणेस असेल.
आजचे नक्षत्र – विशाखा.
चंद्र राशी – तूळ 19.38 पर्यंत नंतर वृश्चिक.
—————————————-
मेष – ( शुभ रंग- सोनेरी )
कौटुंबिक सदस्यांत सुसंवाद असल्याने तुम्हीही आनंदी व उत्साही असाल. घराबाहेर तुमच्या कर्तुत्वाचा ठसा उमटवू शकाल. आज जोडीदारास एखादे सरप्राईज गिफ्ट द्याल.
वृषभ (शुभ रंग- भगवा )
कोणतीच गोष्ट सहज साध्य नसली तरीही आज तुमची काही येणे असतील तर ती वसूल होण्याची शक्यता आहे. विरोधकांशी गोड बोलूनच आपला स्वार्थ साधून घ्यावा लागेल.
मिथुन ( शुभ रंग- पिस्ता )
हौशी मंडळींना चैन करण्यासाठी पुरेसा पैसा उपलब्ध होईल. कलाकार मंडळी प्रसिद्धीच्या झोतात राहतील. आज मनसोक्त स्वतःचे लाड पुरवण्यासाठी पैसा खर्च कराल.
कर्क (शुभ रंग- गुलाबी )
आज तुम्हाला कामावर दांडी मारून मस्त घरी आराम करावासा वाटेल. काही घरगुती प्रश्नात लक्ष देणे गरजेचे आहे. गृहिणींना मुलांच्या अभ्यासात दुखवावे लागणार आहे.
सिंह (शुभ रंग- पांढरा )
शेजाऱ्यांशी क्षुल्लक कारणाने झालेले गैरसमज दूर होऊन सलोखा वाढेल. काही जणांना अचानक जवळपासचे प्रवास घडण्याची शक्यता आहे. क्रोधावर लगाम ठेवायला हवा.
कन्या ( शुभ रंग- चंदेरी)
आज तुमच्यासाठी इच्छा पूर्तीचा दिवस असून मनी योजाल ते तडीस नेऊ शकाल. कमी श्रमात ही जास्त लाभ आज पदरात पडू शकेल. जिवलग मित्र आज तुमचा शब्द झेलतील.
तूळ ( शुभ रंग- राखाडी )
आज कार्यक्षेत्रात तुमच्या नेतृत्व गुणांना चांगला वाव मिळेल. नेत्यांची भाषणे प्रभावी होऊ शकतील. वाढत्या खर्चातही आज पैशाची कमतरता भासणार नाही.
वृश्चिक (शुभ रंग- क्रीम)
आज दिवस खर्चाचा असल्याने बचतीचा विचारही नको. संध्याकाळी एखाद्या मॉलमध्ये फेरफटका माराल. उंची वस्त्र खरेदी कराल. आज तुम्ही यथाशक्ती दानधर्मही कराल.
धनु- (शुभ रंग- डाळिंबी)
जिथे जाल तिथे आज आपलेच खरे करण्याचा तुमचा प्रयत्न असेल. विवाहेच्छुक असाल तर आज मनपसंत स्थळांचे प्रस्ताव येतील. मित्र आज तुम्हाला मोठेपणा देतील.
मकर ( शुभ रंग- मोरपंखी )
आज ऑफिसमध्ये नोकरदारांवर कामाचा प्रचंड ताण असेल. कामाच्या व्यापात काही घरगुती प्रश्न दुर्लक्षित होतील. कुटुंबीयांस पुरेसा वेळ न देता आल्याने त्यांची नाराजी पत्करावी लागेल. आज अति व्यस्त दिवस.
कुंभ (शुभ रंग – निळा)
आज दैवाचे पाठबळ उत्तम असल्याने तुमच्या प्रामाणिक प्रयत्नांना यशाची खात्री बाळगा. घरात एखादे धार्मिक कार्य करण्याचे बेत आखाल. सज्जनांचा सहवास लाभेल.
मीन -(शुभ रंग – स्ट्रॉबेरी)
हितशत्रू कदाचित तुमच्या मित्रां मध्येच लपलेले असू शकतील. कोणतीही धाडसाची कामे आज टाळा, सतर्क रहा कोणावरही डोळे झाकून विश्वास ठेवायची गरज नाही.
शुभम भवतु
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424