आजचे पंचांग – Today’s Horoscope 18 December 2022 – जाणून घ्या आजचे राशिभविष्य
वार – रविवार.
18-12-2022
शुभाशुभ विचार- 16 नंतर चांगला दिवस.
आज विशेष- साधारण दिवस.
राहू काळ – संध्याकाळी 4.30 ते 6.00
दिशा शूल – पश्चिमेस असेल.
आजचे नक्षत्र – हस्त 10.18 पर्यंत नंतर चित्रा.
चंद्र राशी – कन्या 22.31 पर्यंत नंतर तुळ.
आजचे राशिभविष्य
मेष – ( शुभ रंग- क्रीम )
व्यावसायिक मंडळींना वाढत्या स्पर्धेचा सामना करावा लागेल. आरोग्याच्या काही तक्रारी त्रस्त करतील. जुनी दुखणी अंगावर काढू नका. जोडीदाराबरोबर आज जरासे नमतेच घेणे हिताचे राहील.
वृषभ (शुभ रंग- राखाडी)
कुटुंबीयांच्या वाढत्या मागण्या पुरवताना नाकीनऊ येतील. मुले आज अभ्यासात उत्कृष्ट कामगिरी करतील. गृहिणी आज पाहुण्यांची उठबस अगत्याने करतील.
मिथुन ( शुभ रंग- पिस्ता )
सामाजिक कार्यकर्ते लोकांच्या आदरास पात्र होतील. आज तुम्ही गरजूना आवर्जून मदत कराल. इतरांची मने सांभाळाल. आज प्रॉपर्टी चे व्यवहारात फायदा होईल. आई महत्त्वपूर्ण सल्ले देईल.
कर्क (शुभ रंग- मोतिया.)
आवक पुरेशी असल्याने मनासारखा खर्च करता येईल. किरकोळ कारणावरून शेजारी आज रुसून बसतील. स्पष्ट वक्तेपणास आवर घालायला हवा नाहीतर नाती दुरावतील. गृहिणींना माहेरची ओढ लागेल.
सिंह (शुभ रंग- चंदेरी)
आज तुम्ही काहीसे लहरीपणाने वागाल. कुणाचीही ऐकून घेण्याची तुमची तयारी नसेल. घाई गर्दीत घेतलेले काही निर्णय चुकतील. आवक पुरेशी असली तरीही अनावश्यक खर्च थांबवा.
कन्या ( शुभ रंग- पांढरा)
आज महत्त्वाच्या चर्चेत इतरांचेही म्हणणे ऐकून घ्या. समोरची व्यक्ती आपल्यापेक्षाही हुशार असू शकते याचे भान ठेवा. तुमच्या लहरी व संशयी स्वभावावर नियंत्रण ठेवायला हवे.
Pune News : धायरी येथे सदनिकेस आग; पती-पत्नी जखमी
तूळ ( शुभ रंग- स्ट्रॉबेरी )
हाती असलेल्या पैशाची उधळपट्टी करू नका कदाचित आज संध्याकाळी एखादा मोठा खर्च उद्भवेल कि जो टाळता येणार नाही. एखादी चीज वस्तू गहाळ होण्याची शक्यता आहे. सतर्क रहा.
वृश्चिक (शुभ रंग- केशरी)
नोकरीच्या ठिकाणी आज वरिष्ठ तुमच्या कामाची दखल घेतील. नव्या व्यावसायिकांचे कर्ज प्रस्ताव मंजूर होतील. कामाच्या व्यापात घरगुती समस्या आज दुर्लक्षित होतील.
धनु- (शुभ रंग- निळा )
आज काही मनाविरुद्ध घटना घडल्याने तुम्हाला नैराश्य येईल. नोकरदारांना अधिकाऱ्यांच्या दडपणात काम करावे लागेल. आज फक्त कर्तव्यास प्राधान्य द्यावे. अतिव्यस्त दिवस.
मकर ( शुभ रंग- स्ट्रॉबेरी)
आज तुमचा आध्यात्मिक मार्गाकडे ओढा राहील. नास्तिकही आज देवाला एखादा नवस बोलतील. घरात एखादे देव कार्य करण्याचे बेत आखाल. दैवाची साथ राहील.
कुंभ (शुभ रंग – सोनेरी )
व्यवसायातील वाढत्या स्पर्धेने आज व्यावसायिक त्रस्त असतील. आज अडचणीच्या प्रसंगी पत्नीची खंबीर साथ असेल. कुटुंबास पुरेसा वेळ देण्याचा तुम्ही प्रयत्न कराल.
मीन -(शुभ रंग – मोरपंखी )
धंद्यातील येणी वसूल होतील. गोड बोलून आज तुम्ही आपल्या विरोधकांनाही आपलेसे कराल. भागीदारीच्या व्यवहारात पारदर्शकता ठेवा. आज तुम्हाला विश्रांती ही आवश्यक आहे.
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424