ग्लोबल न्यूज- आजचे पंचांग वार – शनिवार दि. 31 जुलै 2021
शुभाशुभ विचार – सामान्य दिवस.
आज विशेष – कालाष्टमी.
राहू काळ – सकाळी 09.00 ते 10.30.
दिशा शूल – पूर्वेस असेल.
आजचे नक्षत्र – अश्विनी 16.38 पर्यंत नंतर भरणी.
नक्षत्र पाया- सुवर्ण.
चंद्र राशी – मेष.
—————————————
मेष – ( शुभ रंग -मोतिया )
आज तुमच्या कामातील उरक चांगला राहील. तब्येत ठणठणीत असेल. मुले आज मनापासून अभ्यास करतील. वैवाहिक जीवनात गोडीगुलाबी राहील.
वृषभ – ( शुभ रंग -सोनेरी )
आज जमा खर्चाचा मेळ बसवताना तुमच्या नाकीनऊ येणार आहेत. विदेशाशी संबंधित व्यवसाय चांगले चालतील. जवळच्या मित्रांमध्येच काहीतरी मतभेद होतील
मिथुन – ( शुभ रंग -केशरी )
जीवाची मुंबई करण्यासाठी हाती पुरेसा पैसा असेल. मित्र तुमच्या शब्दास मान देतील. उच्चशिक्षित असाल तर मनासारख्या नोकऱ्यांचे प्रस्ताव येतील. आज एखादा अनपेक्षित लाभ संभवतो.
कर्क – ( शुभ रंग- हिरवा )
वाणीत गोडवा ठेवलात तर अनेक किचकट कामे सोपी होतील. आज पैशाची कमतरता भासणार नाही. नोकरदारांना वरिष्ठांच्या अपेक्षा पूर्ण करताना नाकी नऊ येतील.
सिंह – ( शुभ रंग- मरून )
कार्यक्षेत्रात काही मनाविरुद्ध घटना घडल्याने नैराश्य येईल. नोकरदारांनी आज वरिष्ठांना गुड मॉर्निंग करणे हिताचे राहील. सहकाऱ्यांशी जुळवून घ्यावे लागेल. ज्येष्ठांना सत्संगातूनच मन शांती मिळेल.
कन्या – ( शुभ रंग – पिस्ता)
तरुणांनी कुसंगती पासून लांबच रहावे. नीती बाह्य वर्तन अंगाशी येईल. वाहन चालवताना शिस्त पाळणे गरजेचे आहे. शेअर मार्केट मध्ये आज तरी कोणतीही रिस्क घेऊ नका.
तुळ – ( शुभ रंग- क्रीम)
आज काही मनासारख्या घटनांनी तुमची उमेद वाढेल. गृहिणींना आवडत्या छंदातून धनप्राप्ती होईल वैवाहिक जीवनात लाडिक रुसवे-फुगवे असतीलच.
वृश्चिक – (शुभ रंग- मोरपंखी)
काही जुन्या आरोग्याच्या तक्रारी पुन्हा उद्भवतील. डॉक्टरांनी दिलेल्या सूचना तंतोतंत पाळणे हिताचे राहील. नोकरीच्या ठिकाणी फक्त स्वतःचे काम करुन मोकळे व्हा. फार खोलात शिरून नका.
धनु – (शुभ रंग- केशरी)
महत्वाच्या कामास विलंब होईल. बेरोजगारांची भ्रमंती चालूच राहील. रुग्णांच्या प्रकृतीत सुधारणा दिसेल.
आज सहकुटुंब एखाद्या मॉल मध्ये फेरफटका माराल. काही अनावश्यक खरेदी होईल.
मकर – (शुभ रंग- जांभळा)
कार्यक्षेत्रात पूर्वीच्या अथक परिश्रमांचे फळ दृष्टिक्षेपात येईल. कला क्रीडा क्षेत्रातील मंडळींनी प्रयत्न वाढवायला हवेत. गृहिणींना अनपेक्षित पाहुण्यांची ऊठबस करावी लागेल.
कुंभ – (शुभ रंग- चंदेरी)
परिवारातील सदस्यांच्या गरजा वाढतच राहणार आहेत. आज मोठ्या आर्थिक व्यवहारात सावध राहणे गरजेचे आहे. वाहनचालकांना बेशिस्त वागणुकीचा दंड भरावा लागेल.
मीन – ( शुभ रंग- गुलाबी)
आज अपेक्षितपणे काही रक्कम हाती येण्याची शक्यता आहे. त्याचप्रमाणे खर्चाचेही विविध मार्ग खुणावतील. गृहिणींना अनेक जाहिराती भुरळ घालतील.
!! शुभम भवतु!!
श्री जयंत कुलकर्णी.
फोन- ९६८९१६५४२४.
( ज्योतिषी व वास्तू सल्लागार )