ग्लोबल न्यूज - आजचे पंचांग वार – शनिवार, 5 जून 2021
शुभाशुभ विचार – सामान्य दिवस.
आज विशेष – साधारण दिवस.
राहू काळ – सकाळी 09.00 ते 10.30.
दिशा शूल – पूर्वेस असेल.
आजचे नक्षत्र – उत्तराभाद्रपदा 18.20 रेवती 23.28 पर्यंत नंतर अश्विनी.
चंद्र राशी – मीन 23.28 पर्यंत नंतर मेष.
आजचे राशीभविष्य
मेष – ( शुभ रंग – मरून)
तरुणांनी मौज मजा करताना नीतिमत्तेचे भान ठेवावे आवाक्याबाहेर जाणाऱ्या खर्चात कपात गरजेची आहे. आज तुमची अत्यंत व्यस्त दिनचर्या असेल.
वृषभ – ( शुभ रंग – राखाडी)
आज अत्यंत उत्साही व आनंदी असा दिवस. कौटुंबिक सदस्यांमध्ये सामंजस्य राहील. कार्यक्षेत्रात नवीन हितसंबंध प्रस्थापित होतील. मोठ्या लोकांमधील उठबस फायदेशीर राहील.
मिथुन – (शुभ रंग- पांढरा)
नोकरीच्या ठिकाणी स्वतःचे महत्त्व सिद्ध करायचे असेल तर वाढीव जबाबदाऱ्या टाळून चालणार नाहीत. कामाच्या व्यापात आज तब्येतीकडे दुर्लक्ष होणार आहे. अत्यंत व्यस्त दिवस.
कर्क – ( शुभ रंग -डाळिंबी)
महत्त्वाचे निर्णय घेताना मनाची ओढाताण होणार आहे. अनुभवी व्यक्तींचे सल्ले विचारात घ्या. आज तुमचा अध्यात्मिक मार्गाकडे ओढा राहील. मित्रमंडळीत शब्दास मान राहील.
सिंह – ( शुभ रंग- लाल)
कार्यक्षेत्रात सावधगिरीने पावले टाका. नवीन ओळखीत डोळे झाकून विश्वास ठेवू नका. आज ताकही फुंकून प्यावे असा दिवस. विश्वासातल्या माणसाकडून ही विश्वास घात होऊ शकतो.
कन्या – (शुभ रंग – गुलाबी)
आज व्यापाऱ्यांसाठी उत्तम दिवस दुकानदारांच्या गल्यात वाढ होईल वैवाहिक जीवनात गोडी गुलाबी राहील. प्रेम प्रकरणांना ग्रीन सिग्नल. खेळाडूंना अटीतटीची झुंज द्यावी लागेल.
तूळ – ( शुभ रंग – सोनेरी).
नोकरीच्या ठिकाणी हाताखालच्या माणसांशी जुळवून घ्यावे लागेल. आरोग्याच्या किरकोळ तक्रारी आज दुर्लक्षित करू नका. न झेपणाऱ्या जबाबदाऱ्या वेळीस झटकून टाकलेल्या बऱ्या.
वृश्चिक – ( शुभ रंग -आकाशी)
मित्रांमध्ये फक्त मोठेपणा घेण्यासाठी काही न परवडणारा खर्च आज तुम्ही कराल. मुलांच्या बाबतीत आज काही योग्य निर्णय घ्यावे लागतील. कलाकार संधींचे सोने करतील.
धनु – (शुभ रंग – भगवा)
प्रॉपर्टी विषयी काही रखडलेली कामे असतील तर त्यांना आज चालना मिळेल. नवविवाहितांना बाळाच्या आगमनाची चाहूल लागेल. खेळाडूंना सराव वाढवावा लागेल.
मकर – ( शुभ रंग – पिस्ता)
भविष्याच्या दृष्टीने फायदेशीर ओळखी होतील. कोणत्याही कागदपत्रांवर सह्या करताना मात्र आज सतर्क रहा. आज जागा खरेदी विक्रीचे व्यवहार टाळावेत.
कुंभ – (शुभ रंग- मोरपंखी)
आज विविध मार्गाने लाभ होणार आहेत. व्यवसायात पूर्वी घेतलेले निर्णय अचुक ठरतील. अनेक क्लिष्ट कामे आज सोपी होणार आहेत. काही दुरावलेली नाती जवळ येतील.
मीन – ( शुभ रंग- स्ट्रॉबेरी )
आज भावना व कर्तव्य यात मनाची ओढाताण होऊन काही साधे निर्णय घ्यायला ही वेळ लागेल. वैवाहिक जीवनात तर पत्नी जे म्हणेल त्याला हो म्हणून मोकळे होणे हिताचे राहील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार