आजचे पंचांग – वार – बुधवार (Today’s Horoscope 13 July 2022)
13.07. 2022
शुभाशुभ विचार – अनिष्ट दिवस
आज विशेष – गुरु पौर्णिमा
राहू काळ – दुपारी 12.00 ते 01.30
दिशा शूल – उत्तरेस असेल
आजचे नक्षत्र – पूर्वाषाढा
चंद्र राशी – धनु
—————————————-
आजचे राशीभविष्य –
मेष – ( शुभ रंग -निळा)
कामाच्या ठिकाणी काही अडचणींचा सामना करावा लागेल. कितीही राबलात तरी वरिष्ठांचे समाधान होणे शक्य नाही. दैनंदिन कामातही काही अडथळे संभवतात. नोकरदारांना वरिष्ठांचे दडपण जाणवेल.
वृषभ – ( शुभ रंग- निळा)
विरोधक सक्रिय असताना कामात चुका होणार नाहीत याची काळजी घ्या. कोणाकडून कसली अपेक्षा ठेवू नका म्हणजे अपेक्षाभंगाची वेळच येणार नाही.
मिथुन – ( शुभ रंग- गुलाबी)
समोरच्या व्यक्तीवर तुमच्या आकर्षक व्यक्तिमत्त्वाचा चांगला प्रभाव पडेल. कार्यक्षेत्रात तुमच्या नेतृत्वगुणांना वाव मिळेल. आज जोडीदार तुमच्यावर बेहद खुश असेल. दिलेली वचने पाळाल.
कर्क – ( शुभ रंग- हिरवा)
आज तुम्हाला काही डोक्याला ताप देणारी मंडळी भेटू शकतात. मानसिक संतुलन ढळू न देणे गरजेचे आहे. कुणाकडे सल्ले मागायला जाऊच नका. तुम्ही घेतलेले निर्णय योग्य असतील.
सिंह – ( शुभ रंग – मोतिया)
आज तुम्हाला नेहमीच्या त्याच त्या कामाचा कंटाळा येईल. हौशी मंडळी तर आज चक्क कामावर दांडी मारून जीवाची मुंबई करतील. आज तुमचा चैन करण्याकडे कल राहील.
कन्या – ( शुभ रंग – लाल )
मुलांची अभ्यासातील प्रगती कौतुकास्पद राहील. कुटुंबात आर्थिक सुबत्ता राहील. रिकाम्या गप्पांपेक्षा कृतीस प्राधान्य द्याल. कार्यक्षेत्रात अग्रेसर असाल. विरोधकांचा विरोध मावळेल.
तुळ – (शुभ रंग -आकाशी)
आज तुम्हाला एखाद्या अर्जंट कामासाठी अचानक प्रवास घडण्याची शक्यता आहे. घराबाहेर डोके शांत ठेवा. वाद टाळा. शेजारी आज फारच गोड गोड बोलतील.
वृश्चिक – ( शुभ रंग – स्ट्रॉबेरी)
तुमची आर्थिक कुवत वाढणार आहे. मानसिक स्थिती चांगली असल्याने तुमची कार्यक्षमताही चांगली असेल. आज नेत्यांची भाषणे प्रभावी होतील. प्रवास मात्र कंटाळवाणे होतील.
धनु – (शुभ रंग- जांभळा)
तुमची मते सगळ्यांना पटतीलच असे नाही. एखाद्या प्रश्‍नात सामंजस्याने मार्ग काढावा लागेल.
पत्नीचे सल्ले डावलू नका. श्वसनाचे विकार असतील तर काळजी घ्या.
मकर – ( शुभ रंग- भगवा)
असा एखादा खर्च उद्भवेल कि जो टाळता येणे शक्य नाही. घरातील थोरांचे ही सल्ले विचारात घेणे आवश्यक राहील. ज्येष्ठ मंडळींनी अती दगदग टाळावी. आज थकवा जाणवेल.
कुंभ – ( शुभ रंग- मरून)
व्यापाराची मंदावलेली गाडी पुन्हा वेग घेईल. संतती बाबत काही आनंददायी घटना घडतील. जे मनी योजाल ते तडीस न्याल. गर्भवतींना मनोवांछित संतती चा लाभ होईल.
मीन – ( शुभ रंग – नारंगी)
कामधंद्याच्या ठिकाणी तुमचे महत्त्व वाढेल इतरांना जे अशक्य ते तुम्ही शक्य करून दाखवाल. आज तुमच्यासाठी यशदायी दिवस आहे. ध्येयाकडे यशस्वी वाटचाल कराल.
!! शुभम भवतु !!
जयंत कुलकर्णी
फोन ९६८९१६५४२४