आजचे पंचांग – वार – शनिवार. दि.
०2.०7.2022 (Today Horoscope 2 July 2022)
शुभाशुभ विचार – चांगला दिवस.
आज विशेष — साधारण दिवस.
राहू काळ – सकाळी 09.00 ते 10.30.
दिशा शूल – पूर्वेस असेल.
आजचे नक्षत्र – आश्लेषा.
चंद्र राशी – कर्क.
_________________________
आजचे राशीभविष्य – (Today Horoscope 2 July 2022)
मेष – ( शुभ रंग- मरून )
आज तुमचा फक्त ऐश आराम करण्याकडे कल राहील. संध्याकाळी एखाद्या करमणुकीच्या कार्यक्रमांचा आस्वाद घ्याल. सहकुटुंब चैन करून बच्चे कंपनीस खुश कराल.
वृषभ – ( शुभ रंग- पिस्ता)
आज तुमच्या गृहसौख्यात वृद्धीच होणार आहे. वाहन वास्तु विषयी खरेदी-विक्री फायद्यातच राहील. कलाकारांना मात्र आज रिकाम्या खुर्च्या बघायला लागतील.
मिथुन – ( शुभ रंग- पांढरा)
आज तुम्हाला काही अप्रिय माणसांचा सहवास सहन करावा लागेल. कुणाकडूनही सहकार्याची अपेक्षा करू नका. आज आवडत्या व्यक्तीच्या सहवासात तुमचा संध्याकाळचा वेळ मजेत जाईल.
कर्क – ( शुभ रंग- राखाडी)
कार्यक्षेत्रात विरोधकांचा विरोध मावळेल. योग्य हितसंबंध निर्माण होतील. खर्चास आवर घालून पुरेशी बचत करता येईल. काही येणी अनपेक्षितरीत्या वसूल होतील.
सिंह – ( शुभ रंग- भगवा)
आज तुम्ही महत्वाच्या चर्चेत अग्रेसर असाल. मित्रांनी केलेल्या खोट्या स्तुती नेही भारावून जाल. तुमच्या हातून जोडीदारास अभिमानास्पद वाटणारी कामगिरी होईल.
कन्या – ( शुभ रंग- हिरवा)
आज तुम्ही आपले आवडते छंद जोपासण्यासाठी वेळ व पैसा खर्च कराल. सहकुटुंब प्रवास घडतील. भविष्यकाळाच्या दृष्टीने एखाद्या सुरक्षित गुंतवणुकीचा ही विचार कराल.
तुळ – ( शुभ रंग- पांढरा)
नव्या ओळखीतून व्यवसायवृद्धी होईल. अर्धवट बंद पडलेले उपक्रम नव्याने सुरु करता येतील. तुमच्या काही अपुर्या स्वप्नांची पूर्तता होईल. गृहलक्ष्मी व मुले प्रसन्न असतील.
वृश्चिक – ( शुभ रंग- नारिंगी)
आज तुम्हाला महत्त्वाकांक्षी व्यक्तींचा सहवास लाभेल. ध्येयपूर्ती कडे वेगाने वाटचाल होईल. आज एखाद्या जिवलग मित्रास यथाशक्ती मदत करणार आहात.
धनु – ( शुभ रंग- आकाशी)
कार्यक्षेत्रात आज काही बिकट प्रसंग यशस्वीपणे हाताळाल. विरोधकांनाही तुमचा हेवा वाटेल. तुमच्या प्रामाणिक मेहनतीला नशिबाची उत्तम साथ मिळेल.
मकर – ( शुभ रंग- मोरपंखी)
आज पोट बिघडेल खाण्यापिण्यावर नियंत्रण गरजेचे आहे. रुग्णांनी डॉक्टरांच्या सूचना तंतोतंत पाळाव्यात. बेकायदेशीर कृत्य अंगाशी येऊ शकतील, त्यामुळे नाकासमोर चालावे.
कुंभ – ( शुभ रंग – गुलाबी)
जोडीदाराकडून तुमच्या अपेक्षा पूर्ण होतील. गृहिणी चारचौघीत झालेल्या कौतुकाने आनंदित होतील. आज तुम्ही इतरांच्या भानगडीत यशस्वी मध्यस्थी कराल.
मीन – ( शुभ रंग- पिस्ता)
बेरोजगारांच्या भटकंतीस यश येईल. कामगारांच्या रास्त मागण्या मान्य होतील ज्येष्ठ मंडळींनी फक्त आपल्या तब्येतीची काळजी घ्यावी जास्त दगदग टाळावी.
!! शुभम भवतु!!
– जयंत कुलकर्णी.
फोन ९६८९१६५४२४
( ज्योतिषी व वास्तू सल्लागार)