ग्लोबल न्यूज: आजचे पंचांग. बुधवार 04 ऑगस्ट 2021
शुभाशुभ विचार – उत्तम दिवस.
आज विशेष – कमिका एकादशी.
राहू काळ – दुपारी 12.00 ते 01.30.
दिशा शूल – उत्तरेस असेल.
आजचे नक्षत्र – मृग
चंद्र राशी – वृषभ 15.07 पर्यंत नंतर मिथुन.
—————————————
मेष – ( शुभ रंग -मोतिया )
आज डोके थंड व वाणीत मृदूता ठेवाल अनेक क्लिष्ट कामे सोपी होतील. तब्येत उत्तम राहील. आर्थिक संकटे पळ काढतील. दूरच्या प्रवासात खोळंबा होईल.
वृषभ – ( शुभ रंग -सोनेरी )
आज तुमचे मनोबल उत्तम असेल. परंतु कमी कष्टात जास्त लाभाच्या मोहाने निराशाच पदरी पडेल. महत्त्वाच्या कामानिमित्त कदाचित तातडीने प्रवासास निघावे लागेल.
मिथुन – ( शुभ रंग -केशरी )
लहरी व हट्टी स्वभाव काबूत ठेवा. तुमची मते सगळ्यांनाच पटणार नाहीत. एखाद्या प्रसंगी सामंजस्याने मार्ग काढावा लागेल. आज काही देणी चुकवावी लागतील.
कर्क – ( शुभ रंग- हिरवा )
नोकरीत वरिष्ठांकडून उत्तम सहकार्य मिळेल तुमच्या रास्त मागण्या असतील तर आज सहानुभूतीपूर्वक विचार केला जाईल. आज गृहसौख्याचा दिवस असून मित्रपरिवारात तुमच्या शब्दाचा मान राहील.
सिंह – ( शुभ रंग- मरून )
नोकरीच्या ठिकाणी आज वरिष्ठांना गुड मॉर्निंग करणे हिताचे राहील. घरात वडीलधारी मंडळीही त्यांची मते तुमच्यावर लादण्याचा प्रयत्न करतील. ऐकावे जनाचे करावे मनाचे हे धोरण स्वीकारा. वाद नकोत.
कन्या – ( शुभ रंग – डाळिंबी )
अती आक्रमकता नुकसानास कारणीभूत होईल. मोठया आर्थिक उलाढाली उद्यावर ढकलणे हिताचे. दूरच्या प्रवासात सावध रहा. गृहिणींचा आज देव धर्माकडे ओढा राहील.
तुळ – ( शुभ रंग – चंदेरी )
कार्यक्षेत्रात प्रगतीच्या मार्गात काही अडथळे संभवतात. मानापमानाच्या काही प्रसंगांना तोंड द्यावे लागेल. कामगारांनी आपल्या सुरक्षेची काळजी घेणे गरजेचे आहे.
वृश्चिक – ( शुभ रंग- आकाशी)
आज अत्यंत उत्साही दिवस असून तुमचा कामातील उरक चांगला राहील. आज रिकाम्या गप्पांसाठी अजिबात वेळ मिळणार नाही. पत्नीचे सल्ले ऐकून तर घ्या.
धनु – ( शुभ रंग- जांभळा)
कार्यक्षेत्रात श्रम कारणी लागतील घरात थोरांचे मूड मात्र सांभाळावे लागतील. आज विश्रांतीस ही प्राधान्य देणे गरजेचे आहे रुग्णांनी पथ्य पाण्याची काळजी घेणे आवश्यक आहे.
मकर – (शुभ रंग गुलाबी)
विविध मार्गाने आलेला पैसा आज विविध मार्गाने जाईल. नवीन नोकरीच्या शोधात असणाऱ्यांना उत्तम संधी चालून येतील. आज फक्त आपल्या ध्येयावर लक्ष केंद्रित केलेले बरे.
कुंभ – ( शुभ रंग – मोरपिशी)
वैवाहिक जीवनात काही जुन्या स्मृती मनास आनंद देतील. घरात आर्थिक सुबत्ता नांदेल. मनोबल वाढवणाऱ्या काही घटना घडतील. प्रेम प्रकरणे मात्र डोक्याला मनस्ताप देतील.
मीन – ( शुभ रंग – स्ट्रॉबेरी)
रिकामटेकड्या गप्पा टाळा कारण त्यातून फक्त गैरसमज पसरतील. आज टेलिफोन व लाईट बिले भरावी लागतील. बेरोजगारांची वणवण चालूच राहील. गृहिणींना मुलांच्या अभ्यासात लक्ष घालावे लागेल.
!! शुभम भवतु!!
श्री जयंत कुलकर्णी
९६८९१६५४२४.
( ज्योतिषी आणि वास्तू सल्लागार)