अभिनेत्री दिव्या भटनागर यांच कोरोनामुळे निधन
नवी मुंबई :- काल ज्येष्ठ अभिनेते रवी पटवर्धन यांच्या निधनाने मराठी सिनेसृष्टीला मोठा धक्का बसला असतानाच आता आणि हिंदी टीव्ही मालिकांमध्ये काम करणाऱ्या प्रसिद्धी अभिनेत्रीचं निधन झालं आहे. ‘ये रिश्ता क्या कहलाता है’ फेम अभिनेत्री दिव्या भटनागर यांचं निधन झालं आहे.
दिव्या भटनागर यांना कोरोनाची लागण झाली होती. कोरोनामुळे दिव्या यांना श्वास घेण्यास त्रास होत होता. मागील काही दिवसांपासून त्यांच्यावर रुग्णालयात उपचार सुरू होते. कोरोनाची लागण झाल्यानंतर त्यांची ऑक्सिजन पातळी कमी होती. त्यामुळे त्यांना व्हेंटिलेटरवर ठेवण्यात आल्याची माहिती आहे. मात्र उपचारादरम्यान त्यांचं निधन झालं.
‘ये रिश्ता क्या कहलाता है ’मध्ये ‘गुलाबो’ ही भूमिका साकारणाऱ्या दिव्याला न्यूमोनियाही झाला होता. त्यांना गोरेगावमधील एसआरव्ही रुग्णालयात दाखल करण्यात आलं होतं. काही दिवसांपासून त्यांची तब्येत गंभीर होती, अखेर सोमवारी दिव्याची प्राणज्योत मालवली.