पंचम बंगाल विध्दनसभा निवडणुकीत भारतीय जनता पक्षाचा दणदणीत पराभव केल्यानंतर इतर राज्यात भाजपाची सत्ता खेचुन आणण्यासाठी मुख्यमंत्री ममता बॅनर्जी यांनी कंबर कसली आहे. जोपर्यंत संपूर्ण देशातून भाजपची सत्ता जात नाही तोपर्यंत देशभर ‘खेला होबे’ साजरा केला जाईल. सर्व राज्यांमध्ये ‘खेला’ होईल. १६ ऑगस्टपासून ‘खेला दिवसा’ची सुरुवात केली जाईल, असा निर्धार तृणमूल काँग्रेसच्या नेत्या, पश्चिम बंगालच्या मुख्यमंत्री ममता बॅनर्जी यांनी बुधवारी केला.
ममता बॅनर्जींनी बुधवारी शहीद दिवसानिमित्त उत्तर प्रदेश, दिल्ली, गुजरातसह अन्य राज्यांमध्ये मेगा व्हर्च्युअल सभा घेतल्या. बंगालची विधानसभा निवडणूक जिंकल्यानंतर आता आमचे लक्ष दिल्लीकडे असल्याचे जाहीर करीत त्यांनी भाजपवर निशाणा साधला.
कोरोना संसर्गातील केंद्र सरकारचे अपयश, देशभरातील इंधन दरवाढीचा भडका तसेच ‘पेगासस’च्या माध्यमातून होत असलेले पह्न टॅपिंग आदी मुद्दय़ांवरून त्यांनी भाजपवर जोरदार टीका केली. भाजप हा ‘हुकुमशहा’ आणि कोरोनापेक्षाही भयानक विषाणू असल्याचा बेधडक आरोपही यावेळी केला.