मुंबई : आपल्या वादग्रस्त विधानामुळे सतत चर्चेत असलेली अभिनेत्री कंगना राणावत हिने पुन्हा केलेल्या वादग्रस्त वक्तव्यामुळे नेटकऱ्यांनी तिला चांगलेच धारेवर धरले आहे. असाच काहीसा प्रकार पुन्हा एकदा तिच्या बाबतीत घडला आहे. नेहमी पाकिस्तानवर जोरदार टीका करणाऱ्या कंगनानं यावेळी चक्क पाकिस्तनाची स्तुती केली आहे. त्यामुळे भडकलेल्या नेटकऱ्यांनी तिला चांगलेचं खडेबोल सुनावले आहे.
“पाकिस्तानात चाललेला टॉप ट्रेंड पाहून फार छान वाटलं. #PakistanStandsWithIndia… भारताचे वीर पुरूष मोदींनी दिलेल्या लसीचे त्यांनी कौतुक केले, या कठीण काळात आम्ही त्यांच्या सहानुभूतीचा आदर करतो.” अशा आशयाचं ट्विट करुन कंगना राणावत हिने पाकिस्तानचे तोंडभरून कौतुक केले होते. मात्र तिने शत्रू राष्ट्राचे केलेले कौतुक अनेकांना चांगलेच खटकले होते.
तुझं डोकं ठिकाणावर आहे का? चर्चेत राहण्यासाठी आता तू काहीही ट्विट करु लागली आहेस का? मोदींच्या नजरेत येण्यासाठी ही बाई आता काहीही ट्विट करतेय अशा अशयाच्या प्रतिक्रिया देऊन या ट्विटसाठी कंगनाला सध्या जोरजार ट्रोल केलं जात आहे. पाकिस्तानचे पुढे केलेल्या मदतीवर अद्याप भारताने काहीही निरयन घेतलेला नाही. मात्र त्यापूर्वी सवयीप्रमाणे कंगना आपले मत मांडून रिकामी झाली होती.
Heartwarming to see top trend from Pakistan #PakistanstandswithIndia #भारत_का_वीर_पुत्र_मोदी provided the country with vaccine nice to see them appreciate his kindness and reciprocate with love, we too acknowledge their empathy in these testing times #भारत_का_वीर_पुत्र_मोदी
— Kangana Ranaut (@KanganaTeam) April 24, 2021