सुशांत प्रकरणी कोर्टाच्या निकालानंतर पार्थ पवारांची प्रतिक्रिया म्हणाले….! वाचा सविस्तर-
सिने अभिनेता सुशांत सिह राजपूत प्रकरणाचा तपास सुप्रीम कोर्टाने सीबीआयकडे सोपवला आहे. सुशांत आत्महत्या प्रकरणाचा तपास सीबीआयकडे देण्य़ासाठी महाराष्ट्रातील ठाकरे सरकार अनुकूल नव्हते. त्यामुळे् सर्वोच्च न्यायालयाचा निकाल आल्यानंतर हा महाराष्ट्र सरकारसाठी मोठा धक्का मानला जात आहे.
यावर आता राष्ट्रवादीचे अध्यक्ष शरद पवार तथा उपमुख्यमंत्री अजित पवार यांचे सुपुत्र पार्थ पवार यांनी “सत्यमेव जयते” असे ट्विट केले आहे. त्यामुळे आता वेगवेळे तर्क वितर्क लगावले जात आहे. काही दिवसापूर्वी पार्थ पवार यांनी गृहमंत्री अनिल देशमुख यांची भेट घेऊन सदर प्रकरणाची सीबीआय चौकशीची मागणी केली होती.
सीबीआयला या प्रकरणाची चौकशी करण्याची परवानगी देत रिया चक्रवर्ती यांची याचिका सर्वोच्च न्यायालयाने फेटाळली. तसेच सर्व कागदपत्रे सीबीआयकडे देण्याचे आदेश मुंबई पोलिसांना दिले. याप्रकरणी बिहारमध्ये दाखल झालेल्या एफआयआरला कोर्टाने न्याय्य ठरविले आहे.
सर्वोच्च न्यायालयाच्या या निर्णयावर महाराष्ट्र शासनाने या निर्णयाला आव्हान देऊन आढावा याचिका दाखल करण्यास सांगितले आहे. यावर सुप्रीम कोर्टाने म्हटले की तुम्ही आधी निर्णय वाचला, नंतर समीक्षा याचिका दाखल करण्याचा विचार करा, हा 35-पानाचा निकाल आहे. प्रथम आपण हा निकाल वाचला, आम्ही प्रत्येक पैलूचा बारीक अभ्यास केल्यानंतर निर्णय घेतला आहे.
https://twitter.com/parthajitpawar/status/1295965969014169600?s=19
यासह सुशांत सिंगचे वडील केके सिंग यांचे वकील विकास सिंह म्हणाले की सुशांतच्या कुटूंबासाठी हा मोठा विजय आहे. याप्रकरणी मुंबई पोलिसांनी कोणताही तपास केला नव्हता, हा ऐतिहासिक निर्णय आहे, असेही कोर्टाने कबूल केले. सीबीआय तपास हा न्यायाच्या दिशेने पहिले आणि मोठे पाऊल आहे.
अभिनेता सुशांतसिंग राजपूत यांचे चुलत भाऊ आमदार नीरजसिंग बबलू म्हणाले की, हा निर्णय आमच्या कुटुंबातील आणि देशातील कोट्यावधी लोकांसाठी आला आहे. सीबीआय चौकशीला पाठिंबा देणाऱ्या सर्वांचे आम्ही आभारी आहोत. आता आम्हाला खात्री आहे की सुशांतसिंग राजपूत यांना न्याय मिळेल.