सिंधुदुर्ग | भाजपा नेते आणि केंद्रीय मंत्री नारायण राणे यांना विजेचा झटका बसल्याची माहिती समोर आली आहे. नारायण राणे हे सध्या जन आशीर्वाद यात्रेमध्ये असून ते वेगवेळ्या ठिकाणी जाऊन आशीर्वाद घेता आहेत. नारायण राणे हे सध्या कोकणातील कणकवलीमध्ये दौऱ्यावर आहेत. त्यांच्या या दौऱ्यातील कार्यक्रमात व्यासपीठावर चढत असताना त्यांना हा शॉक लागला आहे. दरम्यान या घटनेत त्यांना कुठलीही दुखापत झालेली नसल्याचे समजते आहे.
केंद्रीय मंत्री नारायण राणे हे सध्या जन आशीर्वाद यात्रा करत असून त्यांचा हा दौरा सुरु झाल्या पासून आरोप प्रत्यारोपांच्या फैरी सुरु आहेत. नुकताच त्यांनी शिवसेनेवर टीका करताना राज्य सरकार कोरोनाचं कारण सांगुन जन आशीर्वाद यात्रा बंद करण्याला सांगत आहे. तर दुसरीकडे राज्यात कायदा आणि सुव्यवस्था नाही बलात्कार होता आहेत, असा आरोप त्यांनी केला आहे.
यावेळी नारायण राणे यांनी शिवसेनेला इशारा दिला की, ‘नारायण राणेच्या मागे लागु नका, मी आता थोडं बोलतोय, मात्र नंतर सगळं बोलेल.’ शिवसेनेने केलेल्या गुंड असल्याचा आरोपावर राणे म्हणाले की, “मी जर गुंड होतो, तर मग शिवसेनेने मला मुख्यमंत्री का बनवले? असा प्रश्न देखील त्यांनी उपस्थित केला होता.