सोलापूर:पंढरपूर मंगळवेढा विधानसभा पोटनिवडणुकीच्या निकालाकडे संपूर्ण राज्याचे लक्ष लागले आहे. आज मतमोजणीचा दिवस आहे. कोविड स्थितीमुळे मतमोजणी केंद्रावर फक्त १४ टेबलच मांडण्यात आली आहेत. परिणामी मतमोजणी संथगतीने झाली. सर्व फेऱ्यांची मतमोजणी झाली आहे. अंतिम निकालात भाजपचे समाधान आवताडे यांनी राष्ट्रवादी काँग्रेसचे भगीरथ भालके यांचा 3716 मताने पराभव करून राष्ट्रवादी कडून जागा खेचून आणली आहे.
( Pandharpur By Election Result 2021 )
पंढरपूर मंगळवेढ्याचे राष्ट्रवादीचे आमदार भारत भालके यांच्या निधनामुळे ही पोटनिवडणूक घेण्यात आली. येथे महाविकास आघाडीकडून भालके यांचे पुत्र भगीरथ भालके नशीब आजमावत आहेत तर भाजपकडून समाधान अवताडे यांना मैदानात उतरवण्यात आले आहे. या दोघांतच मुख्य लढत होती असे चित्र पाहायला मिळाले होते. ही निवडणूक सत्ताधारी महाविकास आघाडी आणि भाजप दोघांसाठीही प्रतिष्ठेची आहे. आवताडे यांनी पंढरपूर आणि मंगळवेढा या दोन्ही तालुक्यात मतांची आघाडी घेतली आहे.पोस्टल मतात ही आवताडे यांनी बाजी मारली आहे.
पंढरपूरच्या मतमोजणीचे क्षणाक्षणाचे अपडेट्स येथे जाणून घ्या…
– तीस फेऱ्यांची मतमोजणी पूर्ण. समाधान अवताडे यांना ८९ हजार ३७ मते तर भगीरथ भालके यांना ८२ हजार १२७ मते. अवताडे यांची आघाडी कायम.
– समाधान अवताडे विजयाच्या दिशेने. २७व्या फेरीअखेर समाधान अवताडे यांना ८० हजार ५५७ मते तर भगीरथ भालके यांना ७३ हजार ९२५ मते. अवताडे यांना ६ हजार ६३२ मतांची आघाडी.
– पंचवीसाव्या फेरीअखेर समाधान अवताडे यांना ७५ हजार ७३ मते तर भगीरथ भालके यांना ६८ हजार ७३९ मते. अवताडे यांना ६ हजार ३३४ मतांची आघाडी.
– चौवीसावी फेरी: समाधान अवताडे यांना ७१ हजार ५८४ मते तर भगीरथ भालके यांना ६५ हजार ५२८ मते. ६ हजार ५६ मतांची आघाडी.
– तेविसावी फेरी: समाधान अवताडे यांना ६८ हजार ६०२ मते तर भगीरथ भालके यांना ६३ हजार ९७४ मते. ५ हजार ६२८ मतांची आघाडी.
– २२ फेऱ्यांची मतमोजणी पूर्ण. भाजपचे समाधान अवताडे यांना ६४ हजार ८१० तर राष्ट्रवादीचे भगीरथ भालके यांना ६० हजार ८६४ मते. अवताडे यांना ३९४६ मतांची आघाडी.
– विसावी फेरी: भाजपचे समाधान अवताडे यांना ५८ हजार ७८७ तर राष्ट्रवादीचे भगीरथ भालके यांना ५७ हजार ४६ मते. अवताडे यांना १७४१ मतांची आघाडी.
– भाजपचे समाधान अवताडे यांनी घेतली ५ हजार ८०७ मतांची आघाडी; सूत्रांची माहिती.
– एकोणिसावी फेरी: भाजपचे समाधान अवताडे यांना ५५ हजार ५५९ तर राष्ट्रवादीचे भगीरथ भालके यांना ५४ हजार ६६४ मते. अवताडे यांना ८९५ मतांची आघाडी.
– अठराव्या फेरीअखेर समाधान अवताडे यांना ५२ हजार ४५० तर भगीरथ भालके यांना ५१ हजार ३८४ मते. अवताडे १०६६ मतांनी आघाडीवर.
– आता मंगळवेढा तालुक्यातील मतमोजणी सुरू.
– सोळाव्या फेरीअखेर समाधान अवताडे यांना ४५ हजार ९३४ तर भगीरथ भालके यांना ४४ हजार ७०६ मते. अवताडे यांच्याकडे १२२८ मतांची आघाडी.
– तेराव्या फेरीअखेर समाधान अवताडे यांना ३५८९३ तर भगीरथ भालके यांना ३४८३४ मते.
– बाराव्या फेरीअखेर समाधान अवताडे यांना ३३२२९ तर भगीरथ भालके यांना ३२०१५ मते.
– अकराव्या फेरीतही समाधान अवताडे आघाडीवर. अवताडे यांना आतापर्यंत ३०९७५ तर भगीरथ भालके यांना २९६६७ मते.
– दहाव्या फेरीअखेर समाधान अवताडे यांना २८८८५ तर भगीरथ भालके यांना २७ हजार ४७ मते.
– आठव्या फेरीतही समाधान अवताडे आघाडीवर.
– सातव्या फेरीत चित्र बदललं. भाजपचे समाधान अवताडे यांनी घेतली आघाडी. अवताडे यांना २० हजार २१३ तर भालके यांना १९ हजार ३८० मते.
– सहाव्या फेरीअखेर चुरस वाढली. भगीरथ भालके यांना १७४१२ तर समाधान अवताडे यांना १७२१८ मते.
– पाचव्या फेरीअखेर भगीरथ भालके यांना १४७१७ तर समाधान अवताडे यांना १४०५९ मते. भालके ६५८ मतांची आघाडी.
– चौथ्या फेरीतही भालके यांची आघाडी कायम. भालके यांना ११ हजार ९४१ तर अवताडे यांना ११ हजार ३०३ मते.
– मतमोजणीच्या तीन फेऱ्या पूर्ण. भालके यांनी घेतली मोठी आघाडी.
– तिसऱ्या फेरीत भारत भालके ६३५ मतांनी आघाडीवर. भालके यांना ८६१३ तर अवताडे यांना ७९७८ मते.
– दुसऱ्या फेरीअखेर भगीरथ भालके यांना ५६०६ तर समाधान अवताडे यांना ५४९२ मते.
– दुसऱ्या फेरीनंतर भगीरथ भालके १०० मतांनी आघाडीवर.
– सुरुवातीचे कल हाती. राष्ट्रवादीचे भारत भालके पिछाडीवर. भाजपचे समाधान अवताडे यांना ४५० मतांची आघाडी.
– पोस्टल मतांमध्ये भारत भालके आघाडीवर.
– पोस्टल मते मोजल्यानंतर ईव्हीएममधील मतांची मोजणी सुरू.
– मतमोजणीला सुरुवात. सर्वप्रथम पोस्टल मते मोजली जाणार.
– पोटनिवडणुकीत ५२४ मतदान केंद्रावर २ लाख ३४ हजार मतदारांनी बजावला आहे मतदानाचा हक्क.