ग्लोबल न्यूज :आजचे पंचांग – वार शनिवार, दि. 08.01.2022
शुभाशुभ विचार- चांगला दिवस.
आज विशेष – बांगरषश्ठी
राहू काळ – सकाळी 09.00 ते 10.30.
दिशा शूल – पूर्वेस असेल.
आजचे नक्षत्र – उत्तरा भाद्रपदा.
चंद्र राशी – मीन.
—————————————
आजचे राशीभविष्य
मेष -( शुभ रंग -राखाडी)
आज स्वार्था कडे लक्ष असू द्या. परमार्थ अजिबात परवडणारा नाही. आज मोठे आर्थिक व्यवहार टाळले तर बरे होईल. तातडीचे प्रवास संभवतात. थोरामोठ्यांचे सल्ले मोलाचे असतील.
वृषभ- ( शुभ रंग – मरून )
आत्मविश्वासाने नवे उपक्रम राबवू शकाल. पैशाअभावी रखडलेली कामे सुरू करता येतील. लघु उद्योजकांचे कर्ज प्रस्ताव मंजूर होतील.
मिथुन ( शुभ रंग- पिस्ता)
नोकरीत कामाचा ताण प्रचंड वाढला असला तरी तुमची वाटचाल प्रगतीच्या दिशेने चालू राहील. अधिकारी वर्गाकडून तुम्हाला उत्तम सहकार्य राहिल.
कर्क (शुभ रंग- गुलाबी)
कार्यक्षेत्रात सावधपणे पावले टाकावीत. हट्टीपणास लगाम घालून इतरांची मते ऐकून घ्यायची तयारी ठेवा. उपासनेत खंड पडू देऊ नका. प्रामाणिक प्रयत्नांना यश नक्की.
सिंह (शुभ रंग -चंदेरी)
आज काही अति हुशार मंडळी संपर्कात येतील. जरा डोके शांत ठेवण्याची गरज आहे. वाहन चालवताना डोक्यात विचारांची गर्दी नको. कायद्याच्या चौकटीत रहा.
कन्या- ( शुभ रंग- पांढरा)
नोकरीच्या ठिकाणी हार्डवर्क पेक्षा स्मार्ट वर्क करून कामे लवकर उरकता येतील. आज थोडी चंगळवादी व विलासी वृत्ती राहील. वैवाहिक जीवनात आज दोघात तिसरा येऊ देऊ नका.
तुळ – (शुभ रंग – नारिंगी)
व्यवसायात ध्येय साध्य करण्यासाठी अविश्रांत कष्ट करायची तुमची तयारी असेल. तुमच्या प्रामाणिक प्रयत्नांना यश निश्चित मिळणार आहे. आज तब्येतीच्या बाबतीत निष्काळजीपणा नको.
वृश्चिक -(शुभ रंग – सोनेरी)
नोकरदार मंडळी वरिष्ठांचे मूड सांभाळतील. ज्येष्ठांना उत्तम प्रकृती स्वास्थ्य लाभेल. तुमची काही गुपिते उघड होतील. आज कामापुरतेच बोलणे हिताचे राहील.
धनु- (शुभ रंग- निळा )
आज अथक परिश्रम यांच्या साह्याने प्रगतीची चक्रे गतिमान ठेवता येतील. काही योग्य माणसे आज संपर्कात येतील. यश हाकेच्या अंतरावर आल्याचे जाणवेल. आशादायी दिवस.
मकर -(शुभ रंग -आकाशी)
नकळत झालेल्या चुकीमुळे काही आर्थिक नुकसान होऊ शकेल. मुले आज अभ्यास सोडून सर्व काही करतील. विनाकारण शेजाऱ्यांच्या भानगडीत लक्ष घालू नका.
कुंभ – ( शुभ रंग -जांभळा)
अत्यंत आनंदी उत्साही असा आजचा दिवस असून सर्व कामे विना व्यत्यय पार पडतील. आज तुमच्यासाठी गृहसौख्याचा दिवस असून. परिवारात सामंजस्य राहील.
मीन ( शुभ रंग- क्रीम)
आज रुग्णांनी फक्त पाण्याची काळजी घ्यायला हवी. एखादा बरा झालेला आजार उलटण्याची शक्यता आहे. महत्त्वाकांक्षांना थोडा ब्रेक लावून विश्रांतीस प्राधान्य द्या.
!! शुभम भवतु!!
श्री जयंत कुलकर्णी
फोन- ९६८९१६५४२४
( ज्योतिषी व वास्तू सल्लागार)