आजचे पंचांग – Todays Horocope 9 November 2022
वार – बुधवार.
09-11-2022
शुभाशुभ विचार- करिदिन
आज विशेष- ग्रहण करीदीन.
राहू काळ – दुपारी 12.00 ते 1.30
दिशा शूल – उत्तरेस असेल.
आजचे नक्षत्र – कृत्तिका.
चंद्र राशी – मेष 7.58 नंतर वृषभ.
—————————————-
मेष – ( शुभ रंग- निळा )
राशीच्या धनस्थानात प्रवेश करणारा चंद्र काहीतरी आकस्मिक लाभ देईल. गृहिणींना अनपेक्षित येणाऱ्या पाहुण्यांची उठ बस करावी लागेल. आज शब्द जपून वापरा. खरे बोलण्यापेक्षाही गोड बोलणे महत्त्वाचे राहील.
वृषभ (शुभ रंग- केशरी )
आज तुमच्या वागण्यात इतरांना जरासा अहंपणा जाणवेल. तुम्ही स्वतःचेच खरे करण्याचा प्रयत्न कराल. अति स्पष्ट बोलल्यामुळे आज तुमचे हितचिंतक दुखावतील.
मिथुन ( शुभ रंग- आकाशी )
कंजूषणा करून चालणार नाही. आज असे काही खर्च उद्भवतील की जे टाळता येणे शक्य नाही. उच्च अधिकारी वर्गास कार्यालयीन कामासाठी दूरचे प्रवास घडतील.
कर्क (शुभ रंग- मरून.)
आज तुमची काही विसरलेली येणी ही अनपेक्षित पणे वसूल होऊ शकतील. नवविवाहितांची संसारिक स्वप्ने साकार होतील. नवीन व्यावसायिकांचे कर्ज प्रस्ताव मंजूर होतील.
सिंह (शुभ रंग- लाल )
आज कार्यक्षेत्रात काही आव्हानात्मक प्रसंगांना तोंड द्यावे लागेल. तुमच्या अंगी असलेले नेतृत्व गुण कमी येतील. कामाच्या व्यापात कुटुंबीयांना वेळ देणे अवघड होऊन बसेल.
कन्या ( शुभ रंग- हिरवा)
कार्यक्षेत्रात काही विरोधी घटनांना तोंड द्यावे लागले तरी तुमच्या प्रामाणिक मेहनतीस आज दैवाची उत्तम साथ लाभेल. नोकरदारांनी वरिष्ठांच्या आज्ञेत राहिलेले बरे.
तूळ ( शुभ रंग- मरून)
कार्यक्षेत्रात अचानक उद्भवणाऱ्या काही अडचणींचा सामना करावा लागेल. नोकरीदारांनी बिनचूक कामास प्राधान्य देणे गरजेचे. कोणत्याही प्रकारचे धाडस आज तरी नको.
वृश्चिक (शुभ रंग- राखाडी)
आज समोर येणारी प्रत्येक व्यक्ती तुमच्या प्रभावात राहील. काही खोटी स्तुती करणारे मित्र भेटतील. सतर्क रहा. वैवाहिक जीवनात दोघात तिसरा अजिबात येऊ देऊ नका.
धनु- (शुभ रंग- स्ट्रॉबेरी)
आज तुम्हाला काही आरोग्य विषयक समस्या त्रस्त करतील. तज्ञ डॉक्टरांचा सल्ला वेळीच घेणे गरजेचे आहे. धंद्यातील काही येणी आज अनपेक्षितपणे वसूल होऊ शकतील.
मकर ( शुभ रंग- सोनेरी )
नोकरदारांना तेच तेच काम कंटाळवाणे वाटेल. जुन्या ओळखीतून काही व्यवसाय वृद्धीच्या संधी चालून येतील. गुढ शास्त्रांचा अभ्यास करणाऱ्यांना एखादी प्रचिती येऊ शकते.
कुंभ (शुभ रंग – जांभळा)
कौटुंबिक स्तरावरील काही मनाजोगत्या घटना तुमचा कार्य उत्साह वाढवतील. मुलांची अभ्यासातील प्रगती समाधानकारक राहील. आज पुरेसा पैसाही उपलब्ध होईल.
मीन -(शुभ रंग – पांढरा )
बरेच दिवसापासून रखडलेल्या घरगुती कामात आज तुम्हाला लक्ष घालावे लागेल कदाचित वाहन दुरुस्तीसाठी खर्च करावा लागेल मुलांना आज अभ्यासाचा कंटाळा येईल.
श्री जयंत कुलकर्णी.
ज्योतिष व वास्तु सल्लागार.
संपर्क 968916542