ग्लोबल न्यूज : आजचे पंचांग – वार – शुक्रवार, दि. 19.11.2021
शुभाशुभ विचार — अनिष्ट दिवस.
आज विशेष- गुरुनानक जयंती, कार्तिक स्नान समाप्ति, तुळशी विवाह समाप्ती.
राहू काळ – सकाळी 10.30 ते 12.00.
दिशा शूल – पश्चिमेस असेल.
आजचे नक्षत्र – कृतिका.
चंद्र राशी – मेष 08.13 पर्यंत. नंतर वृषभ.
______________________
मेष – ( शुभ रंग- आकाशी)
आज तुमचे शारीरिक व मानसिक स्वास्थ्य उत्तम राहील. गृहिणी कौटुंबिक जबाबदारी हसतमुखाने पार पाडतील. आज गरजेपुरता पैसा सहज उपलब्ध होईल. आनंदी दिवस.
वृषभ- ( शुभ रंग- पांढरा)
कार्यक्षेत्रात नवीन हितसंबंध प्रस्थापित होतील. आज काही येणी असतील तर वसूल होण्याची शक्यता आहे. उपवरांना स्थळे सांगून येतील. आज तुमचा इच्छापूर्तीचा दिवस आहे.
मिथुन – ( शुभ रंग -मोरपिशी )
जमाखर्चाचा ताळमेळ बसवताना नाकी नऊ येतील. आयात-निर्यातिचे व्यवसाय चांगले चालतील. विरोधकांशी जपून वागा. एखादा शेरास सव्वाशेर भेटू शकतो. घराबाहेर वाद टाळा.
कर्क – ( शुभ रंग- पिस्ता)
आज पात्रतेपेक्षा काहीतरी जास्तच पदरात पडण्याची शक्यता आहे. आज इच्छापूर्तीचा दिवस असल्याने आपले विचारही सकारात्मक असूद्यात. पूर्वी केलेल्या गुंतवणूकीतून लाभ मिळेल.
सिंह – (शुभ रंग – डाळिंबी)
नोकरदारांना साहेबांच्या मागेपुढे करावेच लागेल. अधिकारांचा वापर करताना भिडस्तपणा अजिबात बाळगू नका. मित्रांनी दिलेल्या आश्वासनांवर अवलंबून राहू नका.
कन्या – (शुभ रंग- सोनेरी)
शासकीय कामे रखडतील. आज तुमचा अध्यात्मिक मार्गाकडे ओढा असेल. सत्संनाने मानसिक बळ मिळेल. विदेश गमनाची इच्छा असणाऱ्यांना संधी चालून येतील.
तुळ – ( शुभ रंग- चंदेरी)
आज काही नकारात्मक विचार मनात येतील काही क्षुल्लक गोष्टींनी ही राग अनावर होईल. वाहन चालवत असाल तर डोके शांत ठेवा. व्यवसायात आपल्या मर्यादा ओळखूनच गुंतवणूक वाढवा.
वृश्चिक – (शुभ रंग – सोनेरी)
महत्त्वाचे निर्णय घेताना द्विधा मनस्थिती होणार आहे. अशावेळी अनुभवी व्यक्तींचे सल्ले घ्यायला कमीपणा वाटून घेऊ नका. जोडीदार जे म्हणेल त्यास हो म्हणून मोकळे होणे वैवाहिक सुखाच्या दृष्टीने चांगले.
धनु- ( शुभ रंग- भगवा)
नोकरी-धंद्यात उत्साही वातावरण राहील. विरोधक नमते घेतील, आज तुम्हाला श्रमसाफल्याचे समाधान मिळू शकेल. काही विसरलेली येणी अनपेक्षितरीत्या वसूल होतील.
मकर – ( शुभ रंग – स्ट्रॉबेरी)
कौटुंबिक स्तरावर आज काही मनासारख्या घटना घडणार आहेत. मुलांची अभ्यासातील प्रगती कौतुकास्पद राहील. घरासाठी काही शोभिवंत वस्तूंची खरेदी कराल.
कुंभ- (शुभ रंग- क्रीम)
शारीरिक व मानसिक स्वास्थ्य उत्तम असून आज तुम्हाला प्रत्येक कामात चांगला उत्साह राहील. खर्चावर मात्र नियंत्रण ठेवणे गरजेचे आहे. भावनेच्या भरात कोणालाही शब्द देऊन अडकू नका.
मीन- ( शुभ रंग- मरून)
कौटुंबिक वाद असतील तर ते आज दुपारनंतर सुसंवादाने मिटू शकतील. काही दुरावलेल्या हितसंबंधात सुधारणा होईल. महत्वाची मेल्स येतील. मित्रांच्या मंगल कार्यास हजेरी लावाल.
!! शुभम भवतु!!
श्री जयंत कुलकर्णी.
फोन ९६८९१६५४२४
( ज्योतिषी व वास्तू सल्लागार)