ग्लोबल न्यूज: आजचे पंचांग – वार – रविवार, दि. 14.11.2021
शुभाशुभ विचार- 18.00 पर्यंत चांगला दिवस.
आज विशेष — प्रबोधिनी एकादशी.
राहू काळ – सायंकाळी 04.30 ते 06.00.
दिशा शूल – पश्चिमेस असेल.
आजचे नक्षत्र – पूर्वाभाद्रपदा 16.31 पर्यंत नंतर उत्तराभाद्रपदा.
चंद्र राशी – कुंभ 10.11 पर्यंत नंतर मीन.
—————————————
आजचे राशीभविष्य
मेष -( शुभ रंग -राखाडी)
आज स्वार्था कडे लक्ष असू द्या. दानधर्म करताना स्वतःची शिल्लक तपासा. आज मोठे आर्थिक व्यवहार टाळलेले बरे होईल. तातडीचे प्रवास संभवतात. खर्चावर ताबा ठेवा.
वृषभ- ( शुभ रंग – मरून )
आत्मविश्वासाने नवे उपक्रम राबवू शकाल. पैशाअभावी रखडलेली कामे सुरू करता येतील. नव्या व्यावसायिकांचे कर्ज प्रस्ताव मंजूर होतील.
मिथुन ( शुभ रंग- पिस्ता)
नोकरीत कामाचा ताण प्रचंड वाढला असला तरी तुमची वाटचाल प्रगतीच्या दिशेने चालू राहील. अधिकारी वर्गाकडून उत्तम सहकार्य मिळाल्याने तुमची सकारात्मकता वाढेल.
कर्क (शुभ रंग- गुलाबी)
कार्यक्षेत्रात सावधपणे पावले टाकावीत. हट्टीपणास लगाम घालून इतरांची मते ऐकून घ्यायची तयारी ठेवा. उपासनेत खंड पडू देऊ नका. आज देव नवसाला पावेल.
सिंह – (शुभ रंग – चंदेरी)
आज काही अति हुशार मंडळी संपर्कात येतील. जरा डोके शांत ठेवण्याची गरज आहे. वाहन चालवताना डोक्यात विचारांची गर्दी नको. महत्त्वाच्या वाटाघाटी आज टाळा.
कन्या – ( शुभ रंग – पांढरा)
आज नोकरीच्या ठिकाणी हार्डवर्क पेक्षा स्मार्ट वर्क करून कामे लवकर उरकाता येतील. थोडी चंगळवादी व विलासी वृत्ती राहील. वैवाहिक जीवनात आज दोघात तिसरा येऊ देऊ नका.
तुळ – (शुभ रंग – नारिंगी)
व्यवसायात ध्येय साध्य करण्यासाठी अविश्रांत कष्ट करायची तुमची तयारी असेल. तुमच्या प्रामाणिक प्रयत्नांना यश निश्चित मिळणार आहे. आज तब्येतीच्या बाबतीत निष्काळजीपणा नको.
वृश्चिक – (शुभ रंग – सोनेरी)
नोकरदार मंडळी वरिष्ठांचे मूड सांभाळतील. ज्येष्ठांना उत्तम प्रकृती स्वास्थ्य लाभेल. विरोधकांचा विरोध मावळेल. तुमची काही गुपिते मात्र उघड होतील, फार बोलू नका.
धनु – (शुभ रंग- निळा )
आज अथक परिश्रम यांच्या साह्याने प्रगतीची चक्रे गतिमान ठेवता येतील. काही योग्य माणसे आज संपर्कात येतील. रिकाम्या गप्पांपेक्षा कृतीस प्राधान्य देऊन कार्यक्षेत्रात अग्रेसर राहाल.
मकर – (शुभ रंग -आकाशी)
नकळत झालेल्या चुकीमुळे काही आर्थिक नुकसान होऊ शकेल. मुले आज अभ्यास सोडून सर्व काही करतील. विनाकारण शेजाऱ्यांच्या भानगडीत लक्ष घालू नका.
कुंभ – ( शुभ रंग -जांभळा)
अत्यंत आनंदी उत्साही असा आजचा दिवस असून सर्व कामे विना व्यत्यय पार पडतील. आज तुमच्यासाठी गृहसौख्याचा दिवस असून. परिवारात सामंजस्य राहील.
मीन – ( शुभ रंग- क्रीम)
आज रुग्णांनी फक्त पाण्याची काळजी घ्यायला हवी. एखादा बरा झालेला आजार उलटण्याची शक्यता आहे. महत्त्वाकांक्षांना थोडा ब्रेक लावून विश्रांतीस प्राधान्य द्या.
!! शुभम भवतु!!
श्री जयंत कुलकर्णी
फोन- ९६८९१६५४२४
( ज्योतिषी व वास्तू सल्लागार)