आजचे पंचांग – वार – सोमवार, दि. 10.10.2021
शुभाशुभ विचार – 15 पर्यंत चांगला दिवस.
आज विशेष – ललिता पंचमी.
राहू काळ – संध्याकाळी 4.30 ते 6.00
दिशा शूल – पश्चिमेस असेल.
आजचे नक्षत्र – 10.44 पर्यंत अनुराधा, नंतर ज्येष्ठा.
चंद्र राशी – वृश्चिक.
_______________________
आजचे राशिभविष्य –
मेष – ( शुभ रंग- जांभळा)
व्यावसायिक चढउतारांचा सामना करावा लागणार आहे. वैवाहिक जीवनात थोडे फार मतभेद असतील. पण फार न ताणता तुम्ही ते सामंजस्याने घ्याल.
वृषभ – (शुभ रंग- मोरपिशी)
मोठे आर्थिक निर्णय उद्यावर ढकलले तर बरे होईल. आज विश्वासातील माणसाकडूनही विश्वासघात होऊ शकतो. वैवाहिक जीवनात तिसऱ्या व्यक्तीस स्थान देऊ नका.
मिथुन -( शुभ रंग – मोतीया )
व्यावसायिक अडचणींवर जिद्दीने मात कराल. महत्त्वपूर्ण निर्णय घेताना जोडीदाराचा सल्ला मोलाचा असेल. इतरांनी दिलेल्या आश्वासनांवर विसंबून राहू नका.
कर्क – ( शुभ रंग – मरून)
आज आर्थिक आवक उत्तम राहील. मुलांच्या मागण्या हौशीने पुरवाल. कलाकार मिळालेल्या संधीचे सोने करतील. नोकरीत कामाच्या स्वरूपात बदल होऊ शकतो.
सिंह – ( शुभ रंग- डाळिंबी)
काही दुरावलेल्या हितसंबंधात सुधारणा होईल पूर्वीच्या श्रमांचे चीज होईल व यश सोपे होईल. गृहिणी आपल्या आवडत्या छंदातूनही चांगली कमाई करतील.
कन्या – ( शुभ रंग- स्ट्रॉबेरी)
आज काही मनाविरुद्ध घटना मनास बेचैन करतील. भावंडांचे मात्र आज एकमेकांना चांगले सहकार्य राहील. शेजाऱ्यांशी सलोखा वाढेल. कदाचीत वाहन रस्त्यात रुसून बसेल.
तुळ – ( शुभ रंग- निळा)
तरुणांनी आपल्या मर्यादेत राहणे हिताचे उद्धटपणास लगाम गरजेचा आहे. आरोग्याची काळजी घ्यायला हवी. ज्येष्ठ मंडळींना कदाचित दंतवैद्याची अपॉइंटमेंट घ्यावी लागेल
वृश्चिक -( शुभ रंग- केशरी)
उच्च राहणी व उच्च विचारसरणी असे तुमचे धोरण राहील. घरातील थोरांशी काही क्षुल्लक कारणांवरून वाद होतील. रागावून निघून गेलेल्या व्यक्ती दुपारनंतर घरी परत येईल.
धनु – ( शुभ रंग- आकाशी )
व्यावसायिक स्पर्धेस तोंड देण्यासाठी नव्या योजना राबवाव्या लागतील. जुने विचार गुंडाळून ठेवावे लागतील. आज बिनधास्त खर्च करा. बचतीचा विचार सोडून द्या.
मकर – ( शुभ रंग – पिस्ता)
कार्यक्षेत्रातील तुमच्या पूर्वीच्या कष्टांची फळे दृष्टिक्षेपात येतील तुमचा आत्मविश्वास वाढेल आज काही रखडलेली किचकट कामेही मार्गी लागतील. दिवसाच्या उत्तरार्धात एखादा लाभ होईल.
कुंभ – ( शुभ रंग -पांढरा )
आज तुम्ही रिकामटेकड्या गप्पांपेक्षा कृतीस प्राधान्य द्याल आपल्या कामातील तत्परतेने वरिष्ठांची मने जिंकाल. नोकरीच्या ठिकाणी प्रमोशन ची चाहूल लागेल.
मीन – ( शुभ रंग- हिरवा )
आज तुम्ही एखाद्या धार्मिक कार्यात सहभाग घ्याल. यथाशक्ती दानधर्म कराल. वडीलधाऱ्यांच्या वयाचा मान राखाल. आपल्या कुवती बाहेर जबाबदाऱ्या मात्र स्वीकारू नका.
!! शुभम भवतु!!
श्री जयंत कुलकर्णी
फोन – ९६८९१६५४२४
( ज्योतिषी व वास्तू सल्लागार)