गोव्यातील विधानसभा निवडणुकीला अवघे काही महिने शिल्लक राहिलेले असताना भाजपचा पराभव करण्यासाठी विरोधकांनी कंबर कसली आहे. त्यातच आता आम आदमी पार्टी अर्थात आप राज्यात एक प्रमुख प्रतिस्पर्धी म्हणून उदयास येण्याची शक्यता आहे, जो मुख्य विरोधी पक्षासाठी काँग्रेसला कडवी लढत देईल.
टाईम्स ऑफ इंडियाने एबीपी-सीव्हीटर-आयएएनएस बॅटल फॉर द स्टेट्स प्रोजेक्शनचे हवाले देत म्हटले आहे की, गोवा, मणिपूर आणि उत्तराखंडमधील आगामी निवडणुकांमध्ये सत्ताधारी पक्ष भाजप आरामात सत्ता राखेल. सदर सर्वेक्षण पाच राज्यांतील ६९० विधानसभा जागांवरील ८१,००६ लोकांसोबत करण्यात आले आहे.
सर्वेक्षणानुसार, गोव्यात भाजपचा वाटा २०१७ मध्ये ३२.५ टक्क्यांवरून २०२२ मध्ये ३९.४ टक्क्यांवर जाण्याची शक्यता आहे. २०१७ मध्ये १५.९ टक्क्यांवरून ६.३ टक्के वाढीसह २०२२ मध्ये आपचा मतांचा हिस्सा २२.२ टक्के होण्याची अपेक्षा आहे. कॉंग्रेसचा मतांचा हिस्सा २०१७ मध्ये २८.४ टक्क्यांवरून २०२२ मध्ये १३ टक्क्यांवर येऊन १५.४ टक्क्यांवर पोहोचण्याची शक्यता आहे. सर्वेक्षणानुसार ४० सदस्यीय गोवा विधानसभेत भाजपला २२ ते २६ जागा मिळण्याची शक्यता आहे. तर आपला ४ ते ८ जागा आणि काँग्रेसला ३ ते ७ जागा मिळण्याची शक्यता आहे.