खामगाव येथील ठोंबरे फार्म अँड नर्सरीला मिळाला कृषि विभागाचा शासकीय परवाना
बार्शी: बार्शी तालुक्यातील खामगाव येथील प्रगतशील शेतकरी राजेंद्र रावसाहेब ठोंबरे यांनी 2016 साली ठोंबरे फार्म अँड नर्सरी नावाने शेंद्री येथे रोपवाटिका सुरू केली. आपल्या प्रमाणेच सर्व शेतकर्यांना उत्कृष्ट व उत्तम दर्जाची रोपे उपलब्ध व्हावी या उद्देशाने अनेक कृषि विद्यापीठे व नर्सरीना भेटी देऊन चांगल्या प्रतीची मातृवृक्ष रोपे विकत आणून त्यापासून ते स्वत: रोपे तयार करतात व कलम ही करतात.
शेंद्री येथे 15 एकर पेरु, खामगाव येथे 10 एकर सुपर गोल्डन सीताफळाची बाग असून त्याचेही ते चांगले उत्पन्न घेतात. ठोंबरे फार्म अँड नर्सरीमध्ये सीताफळ, पेरु, लिंबू व केशर आंब्याची रोपे उपलब्ध आहेत. वरील रोपांना नुकतेच महाराष्ट्र शासनाच्या कृषि विभागाचा नर्सरी धारक परवाना प्राप्त झाला आहे. त्यामुळे ठोंबरे फार्म अँड नर्सरीमधून रोपे घेणार्या शेतकर्यांना शासकीय पावती मिळेल व त्याचा उपयोग शासनाच्या विविध उपलब्ध योजनांचे लाभ घेण्यासाठी होणार आहे.
पोखरा – नानाजी देशमुख कृषि संजीवनी, भाऊसाहेब फुंडकर योजना, एम.आर.जी.एस., इत्यादि अनेक योजनांना ही पावती चालते. सर्व शेतकर्यांनी शासकीय मान्यताप्राप्त नर्सरी मधूनच रोपे खरेदी करावी असे अवाहन राजेंद्र ठोंबरे करतात.
