आज संपूर्ण जगभरात ‘व्हॅलेटाईन्स डे’ साजरा केला जात असतानाच एक वेदनादायी घटना समोर आली आहे. गुजरातमधील सुरत शहरात ही घटना घडली असून, एका तरुणाने एकतर्फी प्रेमातून तरुणीचा गळा चिरून हत्या केली. तरुणाने तरुणीच्या कुटुंबियांसमोरच तिच्या गळ्यावरून चाकू फिरवला. ही घटना काही जणांनी शूट केली असून, व्हिडीओ सोशल मीडियावर व्हायरल झाला आहे.
ही घटना घडली शनिवारी सुरत शहरातील कामरेज पोलीस ठाणे हद्दीत. लक्ष्मीधाम सोसायटीत राहणाऱ्या २१ ग्रीष्मा वेकरिया तरुणीला आजूबाजूला लोक असतानाच फेनिल गोयाणी या तरुणाने पकडलं. त्यानंतर तरुणीच्या गळ्याला चाकू लावून तिच्या कुटुंबियांना धमकावत होता. हा तरुणी तरुणीच्याच वर्गात शिकतो.
ग्रीष्माच्या गळ्याला चाकू लावून फेनिल गोयाणी कुटुंबियांना धमकावण्याचा आणि तिला मारण्याचा प्रयत्न करत असताना आजुबाजूला जमलेल्या गर्दीतील लोक व्हिडीओ शूट करत होते. दरम्यान, तरुणीला वाचवण्यासाठी तिचा भाऊ ध्रुव वेकरिया आणि तिचा काका तरुणाच्या जात होते. त्याचवेळी तरुणाने तरुणीवर चाकूने हल्ला केला आणि जखमी केलं.
सदर आरोपी इतक्यावरच थांबला नाही, तर त्याने तरुणीच्या गळ्यावरून चाकू फिरवत ग्रीष्माची हत्या केली. अंगावर शहारे आणणारी ही घटना कुणीतरी मोबाईलमध्ये शूट केली आहे. ग्रीष्माची हत्या केल्यानंतर आरोपी फेनिलने तिचा भाऊ आणि काकाचाही हत्या करण्याचा प्रयत्न केला. मात्र, ते बचावले. त्यानंतर तरुणाने विष प्राशन केलं आणि हाताची नस कापून आत्महत्येचा प्रयत्न केला. त्याच्या रुग्णालयात दाखल करण्यात आलं आहे.