पुणे : संपूर्ण देशभरात कोरोना लसीकरणाच्या दुसऱ्या टप्याला सुरवात झालेली आहे. त्यात वरिष्ठ नागरिक आणि अति गंभीर आजार असलेल्या रुग्णांना कोरोनाची लस टोचण्यात येत आहे. त्या पाठोपाठ आता पुण्यात ६५०० पोलीस कर्मचाऱ्यांना लसीचा पहिला डोस देण्यात आला आहे.
तसेच पुणे पोलिसात वाढत्या कोरोनाच्या पार्श्वभूमीवर साडेसहा हजार पोलिसांना कोरोना लसीचा पहिला डोस देण्यात आला आहे. तर ८४ पोलिसांनी लसीचे दोन्ही डोस घेतले आहेत. त्याचप्रमाणे पुण्यात सध्या कोरोना लसीचे १ लाख डोस उपलब्ध आहेत. यामध्ये कोव्हॅक्सिनच्या ५० हजार आणि कोव्हिशिल्ड लसीच्या ५० हजार डोसचा समावेश आहे.