पंतप्रधान मोदींनी एकाच दिवशी घेतला तीन स्वदेशी कोरोना लस निर्मिती प्रक्रियेचा आढावा

 ग्लोबल न्यूज:कोरोनावर प्रभावी लस  विकसित करण्याचे काम संपूर्ण जगभरात सुरू आहे. भारतातही लस विकसित करण्याचे काम सुरू असून ही लस लवकरात लवकर उपलब्ध करण्यासाठी प्रयत्न सुरू आहेत. भारतात कोरोना लस निर्मिती सुरू असलेल्या सुविधा केंद्रांना पंतप्रधान नरेंद्र मोदी भेट देऊन कोरोना लस निर्मिती प्रक्रियेतील प्रगती, तयारी आणि अडथळ्यांची माहिती घेतली आहे.

गुजरातमधील अहमदाबाद येथील झायडस बायोटेक पार्क आणि हैदराबाद येथील भारत बायोटेक पार्कला भेट दिल्यानंतर आता पंतप्रधान नरेंद्र मोदी पुण्यात दाखल झाले. त्यानंतर हेलिकॉप्टरने पंतप्रधान नरेंद्र मोदी हे सीरम इन्स्टिट्यूटमध्ये पोहोचले. सीरम इन्स्टिट्यूटमध्ये तासभर पंतप्रधान नरेंद्र मोदी यांनी लस संदर्भातील माहिती आणि आढावा घेतला.सायरस आणि आदर पुनवाला यांनी लसीच्या सर्व प्रक्रियेची माहिती दिली.