औरंगाबाद : देशभरात थैमान घालणाऱ्या करोना संसर्गाने मृत्यूचं प्रमाण वाढलं आहे. आता IRS अधिकारी अनंत तांबे यांचं करोनामुळं निधन झालं आहे. ते अवघ्या 32 वर्षांचे होते. त्यांच्यावर औरंगाबादमध्ये उपचार सुरु होते. उपचारादरम्यान त्यांची प्राणज्योत मालवली.
केंद्रीय मंत्री प्रकाश जावडेकर यांचे ते अतिरिक्त खाजगी सचिव म्हणून काम पाहत होते. तांबे यांच्या निधनानंतर मंत्री जावडेकर यांनी ट्वीट करत शोक व्यक्त केला आहे.
Deeply pained on the sudden and untimely demise of Sh. Anant Tambe at the age of 32 due to COVID.
Working as Additional PS, he was a young and bright IRS officer.
My prayers are with his family.
Om Shanti🙏— Prakash Javadekar (Modi Ka Parivar) (@PrakashJavdekar) May 3, 2021
जावडेकर यांनी म्हटलं की, श्री. तांबे यांच्या अचानक आणि अकाली निधनामुळे फार दु:खी आहे. कोविडमुळे वयाच्या 32 व्या वर्षी अनंत तांबे यांचे निधन झाले. ते अतिरिक्त पीएस म्हणून काम करत होते. एक तरुण आणि तेजस्वी आयआरएस अधिकारी गमावल्याचं दु:ख आहे. माझ्या प्रार्थना त्याच्या कुटुंबासमवेत आहेत, असं त्यांनी म्हटलं आहे.