ग्लोबल न्यूज : आजचे पंचांग – Today’s Horoscope 16 June 2023 – जाणून घ्या आजचे राशिभविष्य
आजचे पंचांग –
वार – शुक्रवार.
16.06.2023
शुभाशुभ विचार- त्रयोदशी वर्ज्य.
आज विशेष- शिवरात्री.
राहू काळ – सकाळी 10.30 ते 12.00.
दिशा शूल – पश्चिमेस असेल.
आजचे नक्षत्र – कृत्तिका 15.07 पर्यंत नंतर रोहिणी.
चंद्र राशी – वृषभ.
—————————————-
मेष – ( शुभ रंग- राखाडी )
आज तुमचे मनोबल उत्तम असेल. कामातील उरकही चांगला राहील. खिशात पैसा खेळता असल्याने आज तुम्ही मित्रमंडळीत मोठेपणा जपण्यासाठी खर्चही कराल.
वृषभ (शुभ रंग- क्रीम )
आज तुम्ही काहीसे लहरीपणाने वागाल. इतरांचे ऐकून घेण्याची तुमची मानसिकता नसेल. जमाखर्चाचा तराजू समतोल राहील. गृहिणींना पूर्वीची बचत कामी येईल.
मिथुन ( शुभ रंग- तांबडा )
कुटुंबीयांच्या वाढत्या गरजा भागवताना नाकी नऊ येतील. पासपोर्ट, विजा संबंधित कामे विना व्यत्यय पार पडतील. इम्पोर्ट एक्स्पोर्टचे व्यवसाय चांगले चालतील.
कर्क (शुभ रंग- भगवा)
आज तुमच्यासाठी इच्छापूर्तीचा दिवस असल्याने तुमचे विचारही सकारात्मक ठेवा. जसे चिंताल तसे होईल. मोठा भाऊ आज तुम्हाला योग्य सल्ले देईल. आज तुम्ही म्हणाल ती पूर्व.
सिंह (शुभ रंग- गुलाबी )
कार्यक्षेत्रात आज काही पेच प्रसंग यशस्वीपणे सोडवाल. घरी वडीलधाऱ्यांनी दिलेले सल्ले सकारात्मकतेने घ्या. व्यावसायिक मोठे निर्णयही अनुभवींच्या सल्ल्याने घ्या.
कन्या ( शुभ रंग- स्ट्रॉबेरी)
आज महत्त्वाच्या कामांना विलंब होईल. कोणत्याही कामात अति आक्रमकता टाळावी. तरुणांनी कुसंगती पासून लांबच राहावे. ज्येष्ठांनी सत्संगात रमणे हिताचे राहील.
तूळ ( शुभ रंग- डाळिंबी)
उद्योगधंद्याच्या दृष्टीने विरोधी दिवस. नोकरदारांचा कामाचा डोंगर वाढत जाईल. मोफत सल्लागार मंडळी मागितलेले नसताना सल्ले देतील. आज न झोपणाऱ्या जबाबदाऱ्या स्वीकारूच नका.
वृश्चिक (शुभ रंग- मोरपंखी)
कार्यक्षेत्रात ध्येयप्राप्तीसाठी अविश्रांत कष्ट करण्याची तुमची तयारी असेल. गृहिणींना थोडा थकवा जाणवेल. काही आर्थिक येणे असतील तर मागितल्यावर वसूल होतील.
धनु- (शुभ रंग- जांभळा)
ज्येष्ठ मंडळींना आज काही आरोग्याच्या तक्रारींना तोंड द्यावे लागेल. नोकरदारांना कामाचे तास वाढवावे लागतील. व्यावसायिकांची येणी वसूल होऊ शकतील.
मकर ( शुभ रंग- तांबडा )
काही हौशी मंडळी जीवाची मुंबई करतील. रसिक मंडळी मनोरंजनाच्या कार्यक्रमाचा आस्वाद घेतील. प्रेमप्रकरणे फुलतील. आज तुम्हाला आरोग्य उत्तम साथ देईल.
कुंभ (शुभ रंग – आकाशी)
आज पैसा कितीही आला तरी तो तुम्हाला कमीच पडेल. मुलांचे लाड जरा आवरते घ्या. त्यांच्या शिस्तीस प्राधान्य द्यायला हवे. आज आईच्या तब्येतीची विचारपूस नक्की करा.
मीन -(शुभ रंग – मरून )
आज काही मोफत सल्लागार मंडळी भेटतील. न मागता सल्ले देतील. ऐकावे जनाचे करावे मनाचे हेच धोरण उत्तम. आज शेजारी मात्र आपलेपणाने डोकावून बघतील.
श्री जयंत कुलकर्णी.
ज्योतिष व वास्तु सल्लागार.
संपर्क- 9689165424