आजचे पंचांग – Today’s Horoscope 16 september 2022
वार – शुक्रवार
तारीख 16.9.22
शुभाशुभ विचार – प्रतिकूल दिवस
आज विशेष – सप्तमी श्राद्ध
राहू काळ – सकाळी 10.30 ते 12.00
दिशा शूल – पश्चिमेस असेल
आजचे नक्षत्र – कृतिका 9.55 पर्यंत नंतर रोहिणी
आजची चांद्रारशी – वृषभ
————————————–
आजचे राशिभविष्य
मेष – (शुभ रंग – राखाडी)
आज अत्यंत सकारात्मकतेने घराबाहेर पडाल.कार्यक्षेत्रात नवीन आव्हाने आत्मविश्वासाने स्वीकाराल.वाणीत गोडवा ठेवून अनेक किचकट प्रश्न आज मार्गी लावता येतील.
वृषभ – (शुभ रंग – पिस्ता)
महत्त्वाच्या चर्चेत आपल्याच मतावर ठाम रहाल.अति आत्मविश्वास आज नुकसानास कारणीभूत ठरू शकेल.आपलेच खरे न करता इतरांचेही थोडे ऐकून घेण्याची तयारी ठेवा.सुसंवाद हिताचा राहील.
मिथुन – (शुभ रंग – मोरपंखी)
नवीन व्यावसायिकांनी आपली कोत ओळखूनच आर्थिक उलाढाली कराव्यात.ज्येष्ठ मंडळींनी हाती असलेली पुंजी जपून वापरावी.सत्संगातूनच मनास शांती मिळणार आहे.
कर्क – (शुभ रंग – हिरवा)
कार्यक्षेत्रात आज तुमचे महत्त्व वाढेल.इतरांस न झेपणाऱ्या जबाबदाऱ्या स्वीकाराल व त्या पूर्णही कराल.व्यापाऱ्यांची आवक मुबलक राहील.आज तुम्हाला थोडी अहंकाराची बाधा होईल.
सिंह – (शुभ रंग – गुलाबी)
नोकरीच्या ठिकाणी काही मनासारख्या घटना घडल्याने तुमचा उत्साह वाढेल.सहकारी तुमच्या मताचा आदर करतील.अधिकाराचा गैरवापर मात्र टाळा.कायद्याच्या चौकटीत रहा.
कन्या – (शुभ रंग – सोनेरी)
आज नोकरी धंद्यात काही विरोधी घटना घडल्याने नैराश्य येईल.विरोधक तुमच्या चुका शोधण्याचा प्रयत्न करत आहेत, त्यामुळे कामातील कोणतीही चूक महागात पडेल.अधिकाराचा वापर जपून करा.उपासनेत खंड अजिबात नको.
तूळ – (शुभ रंग – आकाशी)
आजचा दिवस उद्योग व्यवसायाच्या दृष्टीने तितकासा अनुकूल नाही.तब्येतही आज थोडी नरमच राहणार आहे.पती-पत्नीमधील वादावर मौन हा रामबाण उपाय राहील.
वृश्चिक – (शुभ रंग – पांढरा)
नोकरीच्या ठिकाणी पदोन्नतीच्या मार्गातील अडथळे दूर होतील. अधिकार योग चालून येतील. सकारात्मक दृष्टिकोन बाळगा पत्नीचे सल्ले आज योग्यच असतील.
धनु – (शुभ रंग – जांभळा)
ध्येय प्राप्तीसाठी कामाचे तास वाढवावे लागतील. जुनी दुखणे अंगावर काढू नका. काही येणे असतील तर मागायला लाजू नका.आज गृहिणीसाठी अतिव्यस्त दिवस.
मकर – (शुभ रंग – मरून)
नोकरदार मंडळींना वरिष्ठांच्या तालावर नाचावे लागेल.कलाकारांच्या उमेदवारीस यश येऊन त्यांना उत्तम संधी चालून येतील.रुग्णांच्या प्रकृतीत चांगली सुधारणा दिसून येईल.
कुंभ – (शुभ रंग – केशरी)
अत्यंत आनंदी व उत्साही दिवस असून सगळी कामे सुरळीत पार पडतील.घर सजावटीसाठी काही पैसा खर्च कराल.कला व क्रीडा क्षेत्रातील मंडळींना स्ट्रगल वाढवावी लागणार आहे.
मीन – (शुभ रंग – चंदेरी)
सगळी महत्त्वाची कामे आज दिवसाच्या पूर्वार्धातच उरकून घ्या.संध्याकाळी मात्र आर्थिक व्यवहार जपूनच करा.विद्यार्थ्यांना आज अभ्यास बोअर करेल.
शुभम भवतु
श्री जयंत कुलकर्णी
फोन 9689165424
(ज्योतिष व वास्तु सल्लागार)