आजचे पंचांग – Today’s Horoscope 21 August 2022
वार – रविवार
21.08.2022
शुभाशुभ विचार – 14 पर्यंत चांगला
आज विशेष – साधारण दिवस
राहू काळ – सायंकाळी 04.30 ते 06.00
दिशा शूल – पश्चिमेस असेल
आजचे नक्षत्र – मृग.
चंद्र राशी – 18.09 पर्यंत वृषभ, नंतर मिथुन
_________________________
आजचे राशीभविष्य-
मेष – (शुभ रंग – पांढरा)
कार्यक्षेत्रात प्रामाणिकपणाच कामी येईल प्रलोभने टाळा. सकाळी पैशाने भरलेले खिसे संध्याकाळ पर्यंत रिकामे होतील. महत्त्वाच्या कामासाठी आज थोडी वणवण होईल.
वृषभ – ( शुभ रंग – आकाशी)
आज दुपारनंतर अनपेक्षितपणे काही रक्कम हाती येईल. भावंडात काही व्यावहारिक मतभेद होण्याची शक्यता आहे. पण यावर सुसंवादाने मार्ग निघेल. मात्र तडजोड कराविच लागेल.
मिथुन – ( शुभरंग – मोरपंखी)
काल पासून एखादी वस्तू हरवली असेल तर ती आज परत शोधा, दुपारनंतर ती सापडू शकेल. घरातील थोर मंडळी आज सामंजस्याने वागतील. मुलांच्या तब्येतीची काळजी घ्या.
कर्क – (शुभ रंग – डाळिंबी)
उद्योग व्यवसायात आज मनाजोगती धनप्राप्ती होईल. काही नवीन हितसंबंध तयार होतील. मित्र आज दिलेली आश्वासने पळतील. नाती सांभाळायची असतील तर फार खोलात न शिरता गोड गोड बोला.
सिंह – (शुभ रंग- पिस्ता)
आज हौस मौज करण्यासाठी पुरेसा पैसा उपलब्ध होईल. मित्र-मैत्रिणींच्या सहवासात आजची संध्याकाळ मजेत जाईल. तरुणांनी व्यसनांपासून लांब राहावे.
कन्या – (शुभ रंग – सोनेरी)
व्यवसायात मोठ्या आर्थिक उलाढाली करताना भागीदारांना विश्वासात घ्या. ज्येष्ठ मंडळींनी हाती असलेला पैसा जपून वापरावा. सज्जनांच्या सहवासातून तुमचे विचार प्रगल्भ होतील.
तूळ – (शुभ रंग – चंदेरी)
आज मनाच्या द्विधा अवस्थेत कोणतेही निर्णय घेण्याची घाई करू नका. विरोधकांना व स्पर्धकांनाही कमजोर समजू नका. घरात वडीलधार्‍या मंडळींच्या हो ला हो करून विषय संपवलेला बरा.
वृश्चिक – (शुभ रंग – केशरी)
वैवाहिक जीवनात एकमत असून आज जोडीदाराकडे मन मोकळे करावेसे वाटेल. आज धाडसाची कामे टाळा. कायदा मोडण्याचा विचारही करू नका.
धनु – (शुभ रंग – चंदेरी)
केवळ मोठेपणासाठी आज न झेपणाऱ्या जबाबदाऱ्या स्वीकारू नका. मागून नावे ठेवणार्‍या मंडळींकडे दुर्लक्ष करा. वैवाहिक जीवनात संध्याकाळी जुन्या आठवणी ताज्या कराल.
मकर- (शुभ रंग – क्रीम)
काही खोटी स्तुती करणारी माणसे भेटतील, सतर्क राहा. आज फक्त आपला स्वार्थ बघा. मित्रांना पार्टी आज नको. एखादा जुना आजार डोके वर काढण्याची शक्यता आहे.
कुंभ – (शुभ रंग- स्ट्रॉबेरी)
आज तुम्ही आनंदी व प्रसन्नचित्त असाल. बर्‍याचशा गोष्टी तुमच्या मनासारख्या घडतील. आशादायी दिवस असून आज विरोधकही मैत्रीचा हात पुढे करतील.
मीन – ( शुभ रंग – मरून)
आज रिकामटेकड्या गप्पांपेक्षा कृतीस प्राधान्य दिले तर बरे होईल. एखाद्या महत्त्वाच्या कामासाठी भटकंती करावी लागेल. ऑफिस मधील महत्त्वाचे दस्तऐवज सांभाळा.
!! शुभम भवतु!!
श्री जयंत कुलकर्णी
फोन – ९६८९१६५४२४
(ज्योतिषी आणि वास्तू सल्लागार)
