ग्लोबल न्यूज - आजचे पंचांग. वार – गुरुवार. 8 एप्रिल 2021
शुभाशुभ विचार –शुभ दिवस.
आज विशेष -चंपाषष्ठी, स्कन्द षष्ठी.
राहू काळ – संध्याकाळी 04.30 ते 06.00
दिशा शूल -पश्चिमेस असेल.
आजचे नक्षत्र – शततारका 21.01 पर्यंत नंतर पूर्वाभाद्रपदा.
चंद्र राशी – कुंभ.
आजचे राशीभविष्य
मेष – ( शुभ रंग- क्रीम)
आज दुपारनंतर विविध मार्गाने आर्थिक लाभ होणार आहेत. काही कारणाने दुरावलेले आप्तस्वकीय आज जवळ येतील. आज तुमच्यासाठी इच्छापूर्तीचा दिवस आहे. शुभ चींता.
वृषभ – ( शुभ रंग- पिस्ता )
नोकरीच्या ठिकाणी जबाबदाऱ्या वाढल्या तरी बढतीच्या मार्गातील अडथळेही दूर झाल्याचे जाणवेल. विरोधकांनाही तुमचे विचार पटतील. अधिकार गाजवू शकाल.
मिथुन – ( शुभ रंग- सोनेरी)
महत्त्वाचे निर्णय घेताना आज द्विधा मनस्थिती होणार आहे. भावना व कर्तव्य यांचा समन्वय साधणे कठीण जाईल. वैवाहिक जीवनात जोडीदाराची मते विचारात घेणे गरजेचे आहे.
कर्क – ( शुभ रंग- स्ट्रॉबेरी)
काही मनाविरुद्ध घटना मनास बेचैन करतील. वैवाहिक जीवनात संध्याकाळी शुल्लक मतभेद होणार आहेत पण त्यातून सामंजस्याने मार्ग काढता येईल. अति आक्रमकतेने नुकसान होईल.
सिंह – ( शुभ रंग- गुलाबी)
आज तुम्ही सहकुटुंब चैन व मनोरंजनास प्राधान्य द्याल. वैवाहिक जीवनात एकमत राहील. भागीदारी व्यवसायात पारदर्शकता ठेवा. विवाह जुळवण्या विषयी बोलणी आज उरकून घ्या.
कन्या – ( शुभ रंग- पांढरा)
नोकरीच्या ठिकाणी सहकाऱ्यांशी जुळवून घेणे गरजेचे आहे. आज संध्याकाळी डॉक्टरांच्या भेटीचे योग आहेत. ज्येष्ठ मंडळांनी प्रकृतीची पथ्ये पाळावीत. काही येणी असतील तर आज वसुली होतील.
तूळ – ( शुभ रंग – भगवा)
कार्यक्षेत्रात प्रगतीचा आलेख चढता राहील. नोकरीत बदल करायचा असेल तर चांगल्या संधी चालून येणार आहेत. ब्युटी पार्लर्स व सौंदर्य प्रसाधने इत्यादी व्यवसाय तेजीत चालतील.
वृश्चिक – ( शुभ रंग- मोरपिशी)
आज धंद्यातील आवक-जावक सारखीच राहील. जोडीदाराकडून आज तुमच्या अपेक्षा पूर्ण होतील.
कौटुंबिक वातावरण स्नेहपूर्ण राहील. विद्यार्थ्यांची अभ्यासात एकाग्रता होईल.
धनु – ( शुभ रंग- जांभळा)
आज कौटुंबिक कर्तव्य पार पाडण्यासाठी आवर्जून वेळ काढावा लागणार आहे. आज जास्तीत जास्त वेळ घराबाहेर जाईल. तरुण मंडळी जास्तीत जास्त व्हाट्सअप वर बिझी राहतील.
मकर – ( शुभ रंग – निळा)
अविश्रांत मेहनतीच्या जोरावर कार्यक्षेत्रात स्वतःचे महत्त्व सिद्ध कराल. मृदू वाणीने विरोधकांची मने जिंकाल. संध्याकाळी आवडत्या व्यक्तीच्या सहवासात वेळेचे भान विसराल.
कुंभ – ( शुभ रंग- आकाशी )
आज तुम्ही काहीसे बेफिकीरपणे वागाल. स्वतःचेच खरे करण्याकडे तुमचा कल राहील. आज थोडा संयम बाळगा. आवक पुरेशी असली तरीही बचतीस प्राधान्य देणे गरजेचे आहे .
मीन – ( शुभ रंग – सोनेरी )
पैशाची उधळपट्टी थांबवणे गरजेचे आहे. आज दिवसाच्या उत्तरार्धात काही अती आवश्यक खर्च हात जोडून उभे राहणार आहेत. रात्रीच्या प्रवासात जागेच राहणे हिताचे राहील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार