१०५ नगरपालिका आणि दोन जिप मधील ओबीसी मतदारसंघांतील निवडणूक रद्द
मुंबई : ओबीसींचे (OBC Reservation) स्थानिक स्वराज्य संस्थांमधील राजकीय आरक्षण अध्यादेशाला सर्वोच्च न्यायालयाने आज स्थगिती दिल्याने सध्या सुरू असलेल्या निवडणूक कार्यक्रमात आणि आगामी निवडणुकांत ओबीसींसाठी स्वतंत्र आरक्षण ठेवता येणार नाही, असे न्यायालयाने स्पष्ट केले आहे. त्यामुळे ओबीसी आरक्षणाशिवायच निवडणुका होतील, असे दिसते.
राज्यात सध्या १०५ नगरपालिका आणि भंडारा, गोंदिया या दोन जिल्हा परिषदा व तेथील पंचायत समित्यांचा निवडणूक कार्यक्रम सुरू आहे. सात डिसेंबर ही अर्ज दाखल करण्याची शेवटची तारीख आहे. ही निवडणूक प्रक्रिया पूर्णपणे न थांबवता येथे ओबीसी आरक्षणाचे मतदारसंघ वगळता इतर ठिकाणी मतदान घेण्यास सर्वोच्च न्यायालयाने सांगितले आहे.
तसेच, आगामी निवडणुकांत ओबीसींसाठी आरक्षण ठेवू नये, असे आदेशात म्हटले आहे. त्यानुसार निवडणूक आयोगाने हे आरक्षण रद्द करत असल्यचाी घोषणा सायंकाळी केली. सर्वोच्च न्यायालयाच्या निकालानंतर राज्यातील आगामी स्थानिक स्वराज्य संस्थांच्या निवडणुकीतील ओबीसी जागांवरील निवडणुकांना स्थगिती दिली.
२१ डिसेंबरलाच होणार्या भंडारा, गोंदिया जिल्हा परिषद आणि त्या अंतर्गत येणार्या १५ पंचायत समितीतील ओबीसी जागांवरील निवडणुकीलाही स्थगिती
ओबीसी जागा वगळता इतर जागांवर निवडणूक होणार.
सार्वत्रिक निवडणुका सुरू असलेल्या जि. प. आणि पं. स.
भंडारा जिल्हा परिषद – त्यांतर्गतच्या पंचायत समित्या – तुमसर, मोहाडी, भंडारा, साकोली, लाखनी, पवनी आणि लाखांदूर.
गोंदिया जिल्हा परिषद- त्यांतर्गतच्या पंचायत समित्या- गोंदिया, तिरोडा, गोरेगाव, आमगाव, सालेकसा, सडकअर्जुनी, अर्जुनी मोरगाव आणि देवरी.
सार्वत्रिक निवडणूक सुरू असलेल्या नगरपंचायतींची जिल्हानिहाय नावे
ठाणे – मुरबाड व शहापूर, पालघर- तलासरी, विक्रमगड, मोखाडा, रायगड- खालापूर, तळा, माणगाव, म्हसळा, पोलादपूर, पाली (नवनिर्मित),
रत्नागिरी – मंडणगड, दापोली, सिंधुदुर्ग- कसई-दोडामार्ग, वाभवे-वैभववाडी, कुडाळ, पुणे- देहू (नवनिर्मित)
सातारा- लोणंद, कोरेगाव, पाटण, वडूज, खंडाळा, दहीवडी
सांगली- कडेगाव, खानापूर, कवठे-महाकाळ
सोलापूर- माढा, माळशिरस
महाळूंग-श्रीपूर (नवनिर्मित), वैराग (नवनिर्मित), नातेपुते (नवनिर्मित)
नाशिक- निफाड, पेठ, देवळा, कळवण, सुरगाणा
धुळे – साक्री, नंदुरबार- धडगाव-वडफळ्या-रोषणमाळ
अहमदनगर – अकोले, कर्जत, पारनेर, शिर्डी
जळगाव – बोदवड
औरंगाबाद- सोयगाव
जालना – बदनापूर, जाफ्राबाद, मंठा, घनसावंगी, तीर्थपुरी (नवनिर्मित)
परभणी – पालम
बीड- केज, शिरूर-कासार, वडवणी, पाटोदा, आष्टी
लातूर- जळकोट, चाकूर, देवणी
शिरूर-अनंतपाळ
उस्मानाबाद- वाशी, लोहारा बु.,
देड- नायगाव, अर्धापूर, माहूर
हिंगोली- सेनगाव,
औंढा -नागनाथ
अमरावती – भातकुली, तिवसा
बुलडाणा – संग्रामपूर, मोताळा
यवतमाळ- महागाव, कळंब, बाभुळगाव, राळेगाव,
मारेगाव, झरी जामणी
वाशीम- मानोरा
नागपूर- हिंगणा, कुही
वर्धा- कारंजा, आष्टी, सेलू, समुद्रपूर
भंडारा- मोहाडी, लाखनी, लाखांदूर
गोंदिया- सडकअर्जुनी, अर्जुनी, देवरी, सावली
चंद्रपूर- पोंभुर्णा, गोंडपिपरी, कोरपना, जिवती, सिंदेवाही-लोनवाही, मुलचेरा
गडचिरोली- एटापल्ली, कोरची, अहेरी, चामोर्शी, सिरोंचा, धानोरा, कुरखेडा आणि भामरागड.
पोटनिवडणुकांसाठीही मतदान
विविध जिल्ह्यातील सात नगरपरिषदा/ नगरपंचायतींच्या रिक्त जागांसाठीदेखील २१ डिसेंबर रोजी मतदान होणार आहे. शिरोळ (६ अ), नागभीड (४ अ), जत (५ ब), सिल्लोड (१२ अ), फुलंब्री (२ आणि ८), वानाडोंगरी (६ अ) आणि ढाणकी (१२ आण १३) या नगरपरिषद/ नगरपंचायतींतील सदस्यपदांच्या रिक्तपदांसाठी या पोटनिवडणुका होत आहे.