मुंबई | राज्यात मोठ्या उत्साहात बाप्पाचे आगमन होत आहे. राज्याचे मुख्यमंत्री देवेंद्र फडणवीस यांच्या निवासस्थानी वर्षावरदेखील बाप्पाची प्राणप्रतिष्ठा करण्यात आली.
यावेळी पत्नी अमृता फडणवीस, मुलगी आणि कुटुंबियांसोबत मुख्यमंत्र्यांनी बाप्पाची आरती केली. यावेळी जलसंपदामंत्री गिरीश महाजनदेखील सहकुटुंब उपस्थित होते.
यावेळी मुख्यमंत्र्यांनी राज्यावरील पुराचं संकट दूर करो, पीडितांना दिलासा मिळण्यासाठी बाप्पाचरणी प्रार्थना केली. शिवाय, पुढच्या वर्षीसुद्धा शासकीय निवासस्थानी आपणच बाप्पाची प्रतिष्ठापना करणार असल्याचं देखील ते म्हणाले.
गणेश पर्व अत्यंत आनंदाचं पर्व आहे. देशात-विदेशात हा सण साजरा केल्या जातो. मात्र मराठी माणूस जिथं असतो तिथं या सणाचा उत्साह वेगळाच असतो. गणरायाला एवढीच प्रार्थना की सर्वांना आशीर्वाद द्यावा.
महाराष्ट्रावरील संकट दूर करण्यासाठी आणि पूर पीडितांना दिलासा मिळावा यासाठी प्रार्थना करतो, असे मुख्यमंत्री म्हणाले. बाप्पांचा आशीर्वाद कायमच माझ्या पाठीशी राहिला आहे. त्यामुळे स्वतःसाठी काही मागण्याची वेळच आली नाही, असेही फडणवीस म्हणाले.
=======================
बातम्यांच्या अपडेटसाठी लाईक करा ग्लोबल न्यूज मराठी चे फेसबुक पेज व खालील शेअर बटनावर ↘↘↘ क्लिक करुन आत्ताच ही बातमी तुमच्या फेसबुकवर शेअर करा.
@ग्लोबल मीडिया सोल्युशन्स.