रशियाने युक्रेनवर आक्रमण केल्यानंतर टेलीग्राम या मेसेजिंग अ‍ॅपचा खूप फायदा झाला आहे. जेव्हा हे मेसेजिंग अ‍ॅप सुरक्षिततेच्या आणि चुकीच्या माहितीच्या विरोधात लढण्याच्या बाबतीत मेटा या मोठ्या अमेरिकन कंपनीच्या व्हॉट्सअ‍ॅप, फेसबुक आणि इंस्टाग्रामपेक्षा निकृष्ट मानले जाते. मात्र, कंपनीने या वस्तुस्थितीचे खंडन केले आणि प्लॅटफॉर्म अतिशय सुरक्षित असल्याचे म्हटले आहे.
नुकत्याच रशियाने युक्रेनवर केलेल्या हल्ल्यानंतर अमेरिकेकडून रशियाला कडाडून विरोध होत आहे. या संबंधात, मेटा (फेसबुक) ने कथितपणे आपल्या प्लॅटफॉर्मवर रशियन वृत्तसंस्थांच्या कंटेन्टवर बंदी घातली आहे. याचाच अर्थ सरकारी माध्यमांवर फेसबुक आणि इन्स्टाग्राम वापरण्यास बंदी घालण्यात आली होती.
आता असे बोलले जात आहे की, फेसबुकने रशियन मीडियाच्या अकाउंटवर बंदी घातल्यानंतर रशिया स्वतः या मेटा प्लॅटफॉर्मवर बंदी घालत आहे. रशियाच्या कम्युनिकेशन रेग्युलेटर्सनी शुक्रवारी ही माहिती दिली. रशियाने फेसबुक आणि इंस्टाग्रामवर बंदी घातल्यानंतर लोकांना एकमेकांशी बोलणे अवघड होणार आहे. ही पोकळी भरून काढण्यासाठी लोकं टेलिग्रामकडे पाहत आहेत, जे फेसबुकसारखे सोशल मीडिया अ‍ॅप नाही, मात्र याद्वारे संवाद चालू ठेवता येतो.
टेलिग्रामने दिलेल्या डेली डेटानुसार, या वर्षाच्या सुरुवातीपासूनच अ‍ॅप 15 कोटी डाउनलोड झाले आहेत. या संदर्भात, कोणीही असे म्हणू शकतो की, या अ‍ॅपला रशियन आक्रमणापूर्वीच मागणी आहे. मात्र यामागेही एक कारण आहे याचे कारण असे की, टेलीग्राम आपल्या युझर्सच्या डेटामधून कोणताही महसूल किंवा नफा कमवत नाही, जसे अमेरिकन प्लॅटफॉर्म कमावतात. त्याचे आर्थिक मॉडेल बड्या अमेरिकन कंपन्यांपेक्षा वेगळे आहे आणि त्यामुळेच लोकांना ते आवडलेही होते.