सोन्याच्या भावाची घसरण सुरूच… चांदीही झाली स्वस्त

2021-22 या आर्थिक वर्षात रुपया 3.61 टक्क्यांनी किंवा 264 पैशांनी कमजोर झाला.

सोने आणि चांदीच्या भावात आणखी घसरण झाली आहे.

गुंतवणुकदारांचे लक्ष रशिया युक्रेन शांतता बोलणी आणि अमेरिकेच्या जॉब डेटाकडे

Gold and Silver Rate Today, 01 April 2022 : नवी दिल्ली : आज 1 एप्रिलला नवीन आर्थिक वर्षाच्या पहिल्याच दिवशी, सोन्याच्या भावात (Gold Price) घट झाली आहे. मात्र रशिया आणि युक्रेन शांतता (Russia Ukraine Talks) चर्चेत अपेक्षित प्रगती न झाल्यामुळे घसरण मर्यादित होती. गुंतवणुकदार मार्चसाठी अमेरिकेच्या जॉब डेटाची वाट पाहत आहेत.

एमसीएक्सवर (MCX)सोन्याचे फ्युचर्स 0.36 टक्क्यांनी किंवा 189 रुपयांनी घसरून 51,977 रुपये प्रति 10 ग्रॅमवर ​​होते. चांदीचा वायदा 0.35 टक्क्यांनी किंवा 238 रुपयांनी घसरून (Silver price) 67,249 रुपये प्रति किलोवर व्यवहार करतो आहे.

सोने-चांदीचा ताजा भाव

चलनवाढ आणि रशिया-युक्रेन शांतता चर्चेमुळे बाजारातील अनिश्चितता यामुळे सोन्याच्या भावात मागील काही दिवसात वाढ झाली होती. सोने चांदीचा बाजार आजच्या यूएस नॉन-फार्म पेरोल्स डेटाची वाट पाहत आहे. बॉंडच्या उत्पन्नातील वाढ सोन्याच्या वाढीला आळा घालू शकते. इंडियन बुलियन अँड ज्वेलर्स असोसिएशनच्या म्हणण्यानुसार, गुरुवारी स्पॉट मार्केटमध्ये सर्वोच्च शुद्धतेचे सोने 51,484 रुपये प्रति 10 ग्रॅम तर चांदीची किंमत 66,990 रुपये प्रति किलोने विकली गेली. गेल्या चार ट्रेडिंग सत्रांमध्ये सोन्याच्या स्पॉट किमतीत प्रति 10 ग्रॅम सुमारे 500 रुपयांनी घसरण झाली आहे. या दरम्यान चांदीच्या भावात प्रतिकिलो 1,700 रुपयांनी घसरण झाली.

तज्ञांना काय वाटते

ShareIndia चे उपाध्यक्ष आणि संशोधन प्रमुख रवी सिंग म्हणाले की, “युक्रेनच्या राष्ट्राध्यक्षांच्या म्हणण्यानुसार, युक्रेनचे सैन्य देशाच्या पूर्वेला नवीन रशियन हल्ल्यांच्या तयारीत आहे कारण मॉस्कोने राजधानी कीवजवळ आपले सैन्य तयार केले आहे. डॉलर निर्देशांक जवळपास एक महिन्याच्या नीचांकी पातळीवर घसरला. यामुळे इतर चलन धारकांसाठी सोने कमी महाग झाले. या नवीन घडामोडींमुळे येत्या आठवडाभरात सोन्याच्या भावात अस्थिरता येऊ शकते.

जागतिक बाजारपेठेतील किंमत

स्पॉट गोल्ड 0.2 टक्क्यांनी घसरून 1,934.10 डॉलर प्रति औंस झाला. यूएस सोन्याचे फ्युचर्स 0.7 टक्क्यांनी घसरून 1,940.20 डॉलरवर आले. या आठवड्यात धातू सुमारे 1.1 टक्क्यांनी घसरला आहे. स्पॉट चांदी 0.2 टक्क्यांनी वाढून 24.73 डॉलर प्रति औंस झाली. प्लॅटिनम 0.1 टक्क्यांनी वाढून 984.68 डॉलरवर होता, तर पॅलेडियम 0.9 टक्क्यांनी वाढून 2,282.94 डॉलरवर पोचला. सोने आणि चांदी हे दोन्ही मूल्यवान धातू सलग चौथ्या साप्ताहिक घसरणीसह व्यवहार करत होते.

युक्रेन संकटाचा परिणाम

रशिया आणि युक्रेनमध्ये सुरू असलेले युद्ध संपल्यानंतर किंवा वाटाघाटी यशस्वी झाल्यानंतर सोन्याच्या किंमतीत मोठी घसरण होऊ शकते. वास्तविक, रशियाकडेही सोन्याचा मोठा साठा असून त्यांची जागतिक बाजारपेठेत विकण्याची तयारी सुरू आहे. सोन्याचा हा साठा बाजारात आल्यास त्याचा बाजारातील पुरवठा वाढेल आणि भावात मोठी घसरण होऊ शकते.

IBJA ने जारी केलेले दर देशभरात सार्वत्रिक आहेत. तथापि, या वेबसाइटवर दिलेल्या दरामध्ये जीएसटीचा समावेश नाही. सोने खरेदी आणि विक्री करताना तुम्ही IBJA दराचा संदर्भ घेऊ शकता. इंडिया बुलियन अँड ज्वेलर्स असोसिएशनच्या मते, इब्जा देशभरातील 14 केंद्रांमधून सोन्या-चांदीचे सध्याचे दर घेते आणि त्याचे सरासरी मूल्य देते. सोन्या-चांदीचे सध्याचे दर किंवा त्याऐवजी स्पॉट किंमत ठिकाणाहून भिन्न असू शकते, परंतु त्यांच्या किमतींमध्ये थोडा फरक आहे.