जामखेड :- पंचायत समितीच्या विद्यमान उपसभापती राजश्री सूर्यकांत मोरे यांचे पती व भाजप जिल्हा उपाध्यक्ष सूर्यकांत मोरे यांनी नुकतेच पालकमंत्री प्रा. राम शिंदे यांच्या विरोधात बंड पुकारून भाजपला सोडचिठ्ठी दिली.
तसेच ते येत्या २३ तारखेला कर्जत येथे अजित पवार यांच्या उपस्थितीत राष्ट्रवादी काँग्रेसमध्ये प्रवेश करणार आहेत. भाजपचे जिल्हा उपाध्यक्ष सूर्यकांत मोरे यांनी शनिवारी पत्रकार परिषद घेतली. यावेळी ते पत्रकारांशी बोलत होते.
यावेळी सरपंच दादासाहेब वारे, संतोष कात्रजकर, देवदैठणचे सरपंच अनिल भोरे, शरद मोरे, सरपंच शांतीलाल खैरे, नानासाहेब भोरे, अशोक ढमढेरे प्रसन्न कात्रजकर, दिलीप कवादे दत्तात्रेय वारे चंद्रशेखर मोरे आदी उपस्थित होते.
यावेळी मोरे म्हणाले, अडचणीच्या काळात पालकमंत्री प्रा राम शिंदे यांना मी खूप मदत केली. पण ज्यावेळी राम शिंदे मंत्री झाले त्यावेळी त्यांच्या डोक्यात मंत्री पदाची हवा शिरली व ते सर्वसामान्य कार्यकर्त्यांना विसरले.
=======================
बातम्यांच्या अपडेटसाठी लाईक करा ग्लोबल न्यूज मराठी चे फेसबुक पेज व खालील शेअर बटनावर ↘↘↘ क्लिक करुन आत्ताच ही बातमी तुमच्या फेसबुकवर शेअर करा.
@ग्लोबल मीडिया सोल्युशन्स.