मागच्या काही दिवसांपासून सशिवसेना उपनेत्या सुषमा अंधारे भाटिया जनता पक्षसह शिंदे गट आणि मनसे अध्यक्ष राज ठाकरे यांच्यावर टीका करताना दिसून येत आहे अशातच काल त्यांनी यापूर्व सँटनवेर केलेल्या टिकेबद्दल पत्रकार परिषदेत जाही माफी मागितली होती अशातच आता मनसेने सुद्धा थेट ‘सुषमा अंधारे बाळासाहेब ठाकरे यांची नाक घासून माफी कधी मागणार?’, असं पत्र मनसेने ठाकरे गटाच्या नेत्या सुषमा अंधारे यांना लिहिलं आहे.
अंधारे यांनी बाळासाहेब ठाकरेंबाबत ‘ म्हाताऱ्याच्या हातात तलवार देवून काय उपयोग?’, असं वक्तव्य केल्याचा दावा यावेळीही करण्यात आला आहे अंधारे यांनी अनेकदा आपला भाषणाच्या सभेत थेट ठरे परिवारावर टीकाकेली आहे सध्या हे व्हिडिओसोशल मीडियावर व्हायरल होत असून याच मुद्द्यावरून मनसे सचिव प्रवक्ते योगेश खैरे यांनी पत्र लिहिलं आहे.
योगेश खैरे यांचं पत्र तश्यास तसं
सुषमाताई अंधारे….!
आपण वारकरी संप्रदायाची तोडकी मोडकी माफी मागितलीत! आता समस्त हिंदू समुदायाची, महिला भगिनींची आणि वंदनीय बाळासाहेब ठाकरेंची माफी कधी मागणार ??
संत परंपरा हे महाराष्ट्राचं वैभव आहे…. आक्षेपार्ह हावभाव आणि हीन वक्तव्य करत या परंपरेचा तुम्ही अपमान केला होता. पण ‘नाठाळाच्या माथी हाणू काठी’ या संतांच्या शिकवणूकीनुसार वारकरी संप्रदायाने केलेल्या प्रहारामुळे तुम्ही माफी मागितलीत…. पण तीही तोडकी मोडकीच होती! ती मान्य करायची की नाही हे संप्रदायच ठरवेल !! असो….
त्याचप्रमाणे हिंदू देवता, हिंदू परंपरा, वंदनीय बाळासाहेब यांच्याबाबत सुद्धा तुम्ही अशीच भाषा वापरली आहे. प्रभू राम, श्रीकृष्ण, हनुमान या देवता असतील किंवा नवरात्री सारखे हिंदू धार्मिक सण ज्यात महिला भगिनींच्या भावना आणि आस्था गुंतल्या आहेत त्याचाही तुम्ही टिंगल टवाळी करत अपमान केला! वंदनीय बाळासाहेबांबाबत ‘म्हाताऱ्याच्या हातात तलवार देऊन काय उपयोग आहे ?’ असं अपमानस्पद वक्तव्य सुद्धा केलं होतं !
त्यामुळे आता समस्त हिंदू समुदायाची, महिला भगिनींची तुम्ही माफी मागणार आहात का नाही ? वंदनीय बाळासाहेब ठाकरेंची तर तुम्ही त्यांच्या स्मृतीस्थळावर जाऊन नाक घासून माफी मागायला पाहिजे…. ती कधी मागणार? खरंतर अशी माफी मागण्यासाठी शिवसैनिक आपल्या नेतृत्वाकडे आग्रह का धरत नाहीत याचंच आश्चर्य वाटतं !!
‘मी एकदा केलेलं वक्तव्य परत माघारी घेत नाहीत’ असं आपण म्हणाल्याचं ऐकण्यात आलं होतं…… पण तरीही अशा अपमानस्पद, भावना दुखावणाऱ्या, हीन वक्तव्यांची आपण माफी मागितलीच पाहिजे !
तोडकी मोडकी नव्हे तर खुल्या मनाने माफी कधी मागताय ते सांगा !
तुमच्याच दादाहो मधील एक…….
योगेश खैरे सचिव
प्रवक्ता, महाराष्ट्र नवनिर्माण सेना
