राष्ट्रवादीचे अध्यक्ष आणि राज्यसभा खासदार शरद पवार यांच्या नेतृत्वाखालील राज्य कुस्ती संघटनेची समिती बरखास्त करण्याविरोधात मुंबई उच्च न्यायालयात याचिका दाखल करण्यात आली आहे.भारतीय कुस्ती महासंघाने महाराष्ट्र राज्य कुस्ती संघटना नुकतीच बरखास्त केली आहे. या निर्णयाविरोधात महाराष्ट्र राज्य कुस्ती संघटनेने न्यायालयात धाव घेतली आहे.
या प्रकरणी आज मुंबई उच्च न्यायालयात न्यायमूर्ती एसव्ही गंगापूरवाला आणि एसएम मोडक यांच्या खंडपीठासमोर सुनावणी पार पडली. भारतीय कुस्ती संघटनेने उत्तर दाखल करण्यासाठी वेळ मागितला आणि 23 ऑगस्टपर्यंत महाराष्ट्र राज्य कुस्ती संघटनेच्या नवीन समितीच्या निवडणुकीचे निकाल जाहीर करणार नसल्याची माहिती न्यायालयात दिली.
महाराष्ट्र राज्य कुस्ती संघटनेने शरद पवार यांच्या नेतृत्वाखाली निवडलेली समिती अचानक बरखास्त केल्याचा आरोप केला आहे. गेल्या 40 वर्षांपासून या समितीवर पवारांचे नियंत्रण होते आणि राष्ट्रीय कार्यकारिणीच्या बैठकीत भाजप खासदाराच्या अध्यक्षतेखालील भारतीय कुस्ती महासंघाने महाराष्ट्र राज्य कुस्ती संघटनेची समिती बरखास्त करण्याचा निर्णय घेतला असल्याचे याचिकेत निदर्शनास आणून दिले आहे.
महाराष्ट्र राज्य कुस्ती संघटनेची सूत्र आता वर्धा मतदारसंघातील भाजप खासदार रामदास तडस यांच्याकडे सोपवण्यात आले आहेत. शरद पवार यांच्या अध्यक्षतेखालील समितीची शेवटची 2019 मध्ये पुण्यातील राज्याच्या उपधर्मादाय आयुक्तांच्या देखरेखीखाली पाच वर्षांसाठी निवड झाली होती आणि तिचा कार्यकाळ 2023 मध्ये संपणार होता.
रोज रिकाम्या पोटी करा मधाचे सेवन, लठ्ठपणा लोण्यासारखा विरघळेल
अरविंद केजरीवाल यांचा सिंगापूर दौरा रद्द, ‘आप’चा मोदी सरकारवर आरोप
