मोदींचं मला समर्थन | अमेरिकेतील भारतीय नागरिक मला मतदान करतील – डोनाल्ड ट्रम्प
वॉशिंग्टन, ५ सप्टेंबर : भारताचे पंतप्रधान नरेंद्र मोदी माझे चांगले मित्र असून ते सध्या चांगलं काम करत आहेत. असे वक्तव्य अमेरिकाचे राष्ट्राध्यक्ष डोनाल्ड ट्रम्प यांनी केलं आहे. तीन नोव्हेंबर रोजी अमेरिकेत राष्ट्रपतीपदाची निवडणूक आहे. त्याधर्तीवर ट्रम्प संबोधित करत होते. यावेळी बोलताना ट्रम्प यांनी मोदी यांच्यावर कौतुकांचा वर्षाव केला आहे.
डोनाल्ड ट्रम्प यांनी अध्यक्षपदाच्या निवडणुकीत पुन्हा एकदा मोदींचा उल्लेख केला आहे. निवडणुकीच्या भाषणात त्यांनी भारतीय जनतेचे कौतुक केले आणि म्हणाले की, इथले लोक महान आहेत आणि त्यांनी एका नेत्याची निवड केली आहे. भारतीय जनता आणि पंतप्रधान नरेंद्र मोदी यांच्यासारख्या हुशार नेत्यांचे त्यांना समर्थन आहे.
अमेरिकन भारतीय आणि पंतप्रधान नरेंद्र मोदी यांच्यासोबत असलेल्या नात्यावर ट्रम्प यांनी प्रकाश टाकला. यावेळी बोलताना ते म्हणाले की, मला विश्वास आहे की, तीन नोव्हेंबर रोजी होणाऱ्या निवडणूकीत अमेरिक भारतीय नागरिक मला मतदान करतील. अमेरिकन भारतीय नागरिक आणि पंतप्रधान नरेंद्र मोदी यांचं आपल्याला समर्थन आहे. अमेरिकेतील भारतीय नागरिक मला मतदान करतील असा विश्वास आहे.