साेलापूर | शिवसेनेचे जिल्हा संपर्कप्रमुख आमदार तानाजी सावंत यांच्याविरुद्ध शिवसेनेचे चार जिल्हाप्रमुख एकत्र आले आहेत असून सावंत यांच्या विरोधात बंद पुणेकराले आहे. या वृत्तामुळे पुन्हा एकदा शिवसेना पक्षातील अंतर्गद वाद चव्हाट्यावर आले आहेत. शिवसेना नेते खासदार विनायक राऊत यांच्याकडे चाैघांनी सावंत यांच्याविरुद्ध तक्रारी केल्या. खासदार राऊत यांनी चाैघांना मुंबईत येण्यास सांगितल्याची चर्चा आहे.
खासदार विनायक राऊत शनिवारी साेलापूर खासगी दाैऱ्यावर हाेते. चारही जिल्हाप्रमुखांनी शनिवारी सकाळी त्यांचे स्वागत केले. दाेघांनी त्यांच्यासाेबत खासगी कार्यक्रमांना उपस्थिती लावली. सायंकाळी जिल्हाप्रमुख गणेश वानकर यांच्या घरी बैठक झाली. या बैठकीला शिवसेना जिल्हाप्रमुख पुरुषाेत्तम बरडे, धनंजय डिकाेळे, संभाजी शिंदे यांचीही उपस्थिती हाेती.
यावेळी बरडे आणि वानकर यांचे कार्यकर्ते एकमेकांना पाण्यात पाहतात; मात्र बरडेंनी वानकरांच्या घरी हजेरी लावली. आगामी महापालिका आणि जिल्हा परिषद निवडणुकीच्या पार्श्वभूमीवर जिल्ह्यातील शिवसेनेला सर्वांना साेबत घेऊन जाणाऱ्या संपर्क प्रमुखांची आवश्यकता आहे. आमदार तानाजी सावंत कशी गटबाजी करतात. यापूर्वी त्यांनी काय काय केले याची माहिती चाैघांनीही खासदार राऊत यांना दिल्याची चर्चा आहे.
तानाजी सावंत मागील आठवड्यात साेलापूर दाैऱ्यावर हाेते. या दाैऱ्यात चारही जिल्हाप्रमुख सावंत यांना भेटायला आले नव्हते. मी अजूनही जिल्हा संपर्कप्रमुख आहे. जिल्हा परिषद, महापालिकेचे उमेदवार मीच ठरविणार आहे. सर्व पदाधिकाऱ्यांनी प्राेटाेकाॅल पाळला पाहिजे. प्राेटाेकाॅल न पाळणाऱ्या पदाधिकाऱ्यांचा अहवाल ‘माताेश्री’ला कळवेन असा निराेप सावंत यांनी दिला हाेता.