कोल्हापूर | कळंबा जेलमधील महिला शिपायाला लग्नाचे आमिष दाखवून अत्याचार केल्याप्रकरणी कळंबा जेलच्या अधिकाऱ्याला बेड्या ठोकण्यात आल्या आहेत. न्यायालयात त्याला हजर केले असता तीन दिवसांची पोलिस कोठडी सुनावण्यात आली आहे. योगेश भास्कर पाटील असे बेड्या ठोकलेल्या अधिकाऱ्याचे नाव आहे. पीडिताने जुनार राजवाडा पोलिसात धाव घेतल्यानंतर तक्रारीचे गांभीर्य लक्षात घेऊन पोलिसांनी तातडीने योगेश पाटीलला अटक केली.
अधिकारी योगेशने पीडित महिला कर्मचाऱ्यास लग्नाचे आमिष दाखवून तिच्यावर लैंगिक अत्याचार करत जातिवाचक शिवीगाळ केल्यानंतर अटकेची कारवाई करण्यात आली. न्यायालयात हजर केले असता, त्याला 3 दिवसांची पोलिस कोठडी सुनावण्यात आली. दरम्यान, संबंधित पीडित महिला कळंबा कारागृहात शिपाई पदावर कार्यरत आहे. तुरुंगाधिकारी योगेश पाटीलने पीडिताला लग्नाचे आमिष दाखवून 2021 पासून लैंगिक अत्याचार केले.
सदर दोघांमध्ये वाद झाल्यानंतर पीडिताने संबंध ठेवण्यास नकार दिला. त्यानंतर योगेशने जातिवाचक शिवीगाळ करून जबरदस्तीने लैंगिक अत्याचार केले. त्यामुळे त्रासाला कंटाळून पीडित महिलेने जुना राजवाडा पोलिस ठाण्यात धाव घेतली. यापूर्वी अवघ्या आठवडाभरापूर्वी, कळंबा जेलमध्ये मोक्कातंर्गत शिक्षा भोगत असलेल्या सातारा जिल्ह्यातील कैद्यांच्या दोन टोळ्यांमध्ये हाणामारी झाली. या घटनेत मल्लिक ऊर्फ दत्तात्रय रामचंद्र जाधव (रा. सातारा) हा कैदी जखमी झाला होता.
