आजचे पंचांग – वार शुक्रवार, दि. 10.06.2022 (Todays Horoscope 10 June 2022)
शुभाशुभ विचार – क्षयदिन.
आज विशेष – निर्जला एकादशी.
राहू काळ – सकाळी 10.30 ते 12.00
दिशा शूल – पश्चिमेस असेल.
आजचे नक्षत्र – चित्रा.
चंद्र राशी – कन्या 16.07 पर्यंत नंतर तुळ.
_________________________
आजचे राशीभविष्य – (Todays Horoscope 10 June 2022)
मेष – (शुभ रंग – क्रीम)
कार्यक्षेत्रात हितशत्रूंचा उपद्रव वाढणार आहे. नोकरीच्या ठिकाणी इतरांच्या भानगडीत न डोकावता कामाशी प्रामाणिक राहणे गरजेचे आहे. तरुणांनी व्यसने टाळावीत.
वृषभ – (शुभ रंग- राखाडी)
कौटुंबिक वातावरण अत्यंत उत्साही राहील. गृहिणी आपल्या आवडत्या छंदासाठी वेळ देतील. नवोदित कलाकारांना ग्लॅमर ची चव चाखता येईल. ज्येष्ठांनी प्रकृतीची काळजी घ्यायला हवी.
मिथुन – (शुभ रंग- डाळिंबी)
सर्व दैनंदिन कामे सुरळीत पार पडतील. आवक पुरेशी राहील. जागेचे प्रश्न सुटतील. काही भाग्यवान महिला आज उंची रत्न खरेदी करतील. ब्युटी पार्लर तेजीत चालतील.
कर्क – (शुभ रंग- पिस्ता)
आजचा दिवस धावपळीत जाणार आहे. एखाद्या अनुकूल घटनेने तुमचा आत्मविश्वास वाढेल. काहींना तातडीच्या कामासाठी प्रवासाला निघावे लागेल. पालकांना मुलांच्या पुस्तकात डोकवावे लागेल.
सिंह – (शुभ रंग- पांढरा)
कार्यक्षेत्रात पूर्वी केलेल्या कष्टाचे फळ पदरात पडण्याचा दिवस आहे. घरात आज पाहुण्यांची वर्दळ राहील. गृहिणींना उसंत मिळणे कठीण. शेजाऱ्यांशी अबोला असेल तर आज गैरसमज दूर होतील.
कन्या – ( शुभ रंग – जांभळा )
अति सडेतोड बोलण्यामुळे काही हितसंबंधात कटुता येण्याची शक्यता आहे. नाती सांभाळायची असतील तर डोके थंड आणि वाणीत गोडवा असू द्या. एखाद्याची स्तुती करण्यात कंजूसपणा नको.
तुळ – ( शुभ रंग- मरून )
कमी कष्टात जास्त लाभाच्या मोहाने निराशाच पदरी पडेल. महत्त्वाच्या कामानिमित्त बरीच पायपीट होईल. काही हरवले असल्यास दुपारनंतर गवसेल. घाईगर्दीत घेतलेले निर्णय चुकतील.
वृश्चिक – (शुभ रंग- नारिंगी)
सर्व दृष्टीने अनुकूल असा दिवस सत्कारणी लावाल. जिवलग मित्रांकडून तुम्हाला अपेक्षित सहकार्य मिळेल. सकाळी भरलेले खिसे दुपारनंतर मात्र रिकामे होण्याची शक्यता आहे.
धनु – (शुभ रंग – केशरी )
नोकरीच्या ठिकाणी अधिकारी वर्गाकडून उत्तम सहकार्य मिळेल. काही कर्ज प्रस्ताव केले असतील तर ते मंजूर होऊ शकतील. विरोधक आता दमले आहेत, त्याची काळजी नको.
मकर – ( शुभ रंग- स्ट्रॉबेरी)
वडीलधारी मंडळी त्यांचे विचार तुमच्यावर लादण्याचा प्रयत्न करतील. वाद न घालता फक्त हो म्हणा आणि सोडून द्या. त्यांच्या वयाचा मान राखणे गरजेचे आहे.
कुंभ – (शुभ रंग – गुलाबी)
सम व्यवसायिक स्पर्धकांना कमजोर समजण्याची चूक करू नका. मोठ्या आर्थिक उलाढाली आज टाळा. कोणतेही गैरवर्तन नको. आज आपल्या प्रतिष्ठेस जपा.
मीन – ( शुभ रंग- निळा)
आज वैवाहिक जीवनात खेळीमेळीचे वातावरण असून काही जुन्या स्मृती मनास आनंद देतील. दुपारनंतर काही वाद संभवतात, पण त्यातून सामंजस्याने मार्ग निघेल.
!! शुभम भवतु!!
श्री जयंत कुलकर्णी.
फोन – 9689165424
( ज्योतिषी व वास्तू सल्लागार)
