राशिभविष्य : जाणून घ्या कसा असेल आजचा दिवस तुमच्यासाठी

आजचे पंचांग – Today’s Horoscope 3 July 2022

रविवार.    

०३.०७.२०२२                

शुभाशुभ विचार – विनायक चतुर्थी.

आज विशेष – १७ नंतर चांगला दिवस. 

राहू काळ – सायंकाळी ०४.३० ते ०६.००.

दिशा शूल – पश्चिमेस असेल.

आजचे नक्षत्र — ०६.३० पर्यंत आश्लेषा नंतर मघा.

चंद्र राशी – सिंह.

_________________________

आजचे राशीभविष्य

मेष – (शुभ रंग- पिस्ता)

तुमच्या कार्यक्षेत्रात तुमच्या प्रगतीचा आलेख चढता राहील. नोकरदारांना नोकरीत बदल करायचा असल्यास चांगल्या संधी चालून येतील. घर खरेदी विक्री चे व्यवहार फायदेशीर ठरतील.

वृषभ – (शुभ रंग – मरून)

आज तुम्हाला कौटुंबिक कर्तव्य पार पाडण्यासाठी वेळ काढावाच लागेल. मुलांना दिलेले शब्द पाळावे लागणार आहेत. आज एखाद्या कामासाठी शेजाऱ्यांची मदत घ्यावी लागेल.

मिथुन (शुभ रंग – राखाडी)

रिकामटेकडी चर्चा फक्त वादास निमंत्रण देईल आज फक्त कृतीस प्राधान्य देणे गरजेचे आहे आज तुमच्या जास्तीत जास्त वेळ घराबाहेर जाणार आहे.

कर्क- ( शुभ रंग- पांढरा)

आज तुमची आर्थिक परिस्थिती उत्तम असून मानसिक स्वास्थ्यही चांगले असेल प्रिय पाहुण्यांचे घरी आगमन संभवते. अतिशय स्पष्ट बोलून काही जवळची नाती दुखावू नका.

सिंह – (शुभ रंग – हिरवा )-Today’s Horoscope 3July 2022

भावनेच्या भरात दिलेले शब्द पाळावे लागणार आहेत. नेतेमंडळींची समाजात लोकप्रियता वाढेल. घरात आज प्रिय पाहुण्यांचे आगमन होईल.

कन्या – ( शुभ रंग- भगवा)

आज काही अति आवश्यक खर्च हात जोडून उभे राहणार आहेत. दुरावलेल्या नात्यातील गैरसमज दूर होतील. पासपोर्ट विजा विषयक कामे यशस्वी होतील.

तुळ – ( शुभ रंग- नारिंगी)

नोकरीत तुमच्या कामातील निष्ठा व समर्पण वरिष्ठांना प्रभावित करेल. बढतीच्या मार्गातील अडथळे दूर होतील. व्यवसायात सहजच घेतलेले निर्णयही योग्यच ठरतील.

वृश्चिक – (शुभ रंग – केशरी)

नोकरीच्या ठिकाणी वरिष्ठ गोड बोलून राबवून घेतील. भावना व कर्तव्य यांचा समन्वय साधणे आज कठीण जाईल. जितके कमी बोलाल तितके चांगले राहील.

धनु – ( शुभ रंग – मोरपंखी)

वैवाहिक जीवनात आज संध्याकाळी क्षुल्लक मतभेद होतील. परंतु त्यातून सामंजस्याने मार्ग निघेल. आज कुठेही मोठे आर्थिक व्यवहार सतर्कतेने करा.

मकर – ( शुभ रंग- आकाशी)

व्यावसायिक चढ उतारांचा सामना करावा लागेल, काही मनाविरुद्ध घटना आज मनास बेचैन करतील. आज थोडा संयम ठेवण्याची गरज आहे. व्यर्थ वाद टाळा.

कुंभ – ( शुभरंग- स्ट्रॉबेरी)

आज तुम्ही स्वतःच्या व्यक्तिमत्व विकासावर भर द्याल. तरुणांना घरातील थोरांचे विचार पटणार नाहीत. नोकरदारांना कामावर दांडी मारून घरी आराम करायचा मूड असेल.

मीन – ( शुभ रंग- गुलाबी)

आज स्वावलंबन महत्वाचे राहील. दुपारनंतर दिवस अनुकूल नाही. जवळच्या मित्रांमध्ये काही वैचारिक तफावत संभवते. सगळी महत्वाची कामे दुपारपूर्वी करा.

श्री जयंत कुलकर्णी

!! शुभम भवतु!!

फोन ९६८९१६५४२४

( ज्योतिषी व वास्तू सल्लागार)