बापरे..! देशात बुधवारी विक्रमी 1 लाख 26 हजार कोरोना बाधित आढळले; 684 मृत्यू

वैज्ञानिक म्हणाले – ‘केवळ लसीकरणाने रोखता येऊ शकतो कोरोनाचा हा वेग’

।बापरे..! देशात बुधवारी विक्रमी 1 लाख 26 हजार कोरोना बाधित आढळले; 684 मृत्यू

ग्लोबल न्यूज: देशभरात कोरोनाची परिस्थिती गंभीर होत असताना दिसत आहे. बुधवारी देशात विक्रमी 1 लाख 26 हजार 265 लोक संक्रमित आढळले. गेल्या वर्षी महामारी सुरू झाल्याच्या नंतरपासून आतापर्यंत पहिल्यांदाच एका दिवसात एवढे लोक कोरोनाच्या विळख्यात सापडले आहेत. यापूर्वी 6 एप्रिलला एका दिवसात 1.15 लाख लोक कोरोना पॉझिटिव्ह आढळले होते.

या व्यतिरिक्त बुधवारी 684 रुग्णांचा मृत्यू झाला आणि 59 हजार 129 लोक रिकव्हर झाले. यासोबतच कोरोना संक्रमितांचा आकडा आता 1.29 लाखांपेक्षा जास्त झाला आहे. यामध्ये 1.18 लाख लोक बरे झाले आहेत. तर 1.66 लाख रुग्णांचा मृत्यू झाला आहे. 9 लाख 5 हजार रुग्ण असे आहेत ज्यांच्यावर उपचार सुरू आहेत.

केवळ लसीकरणाने कोरोना थांबवू शकतो
विज्ञान आणि तंत्रज्ञान विभागाचे सचिव (DST) आणि देशातील एक मोठे वैज्ञानिक, प्रा. आशुतोष शर्मा म्हणाले की कोरोनाच्या या टप्प्यातील वेग पूर्वीपेक्षा खूपच जास्त आहे. याचा अर्थ असा की या अवस्थेत लोकांमध्ये लवकर संक्रमण पसरते. हे टाळण्यासाठी केवळ मोठ्या प्रमाणात लसीकरण प्रभावी ठरु शकते. देशातील बहुसंख्य लोकांमध्ये लसीकरणानंतर, संक्रमणाचे परिणाम कमी होऊ लागेल.