जातीवाद निर्माण करणे हा राष्ट्रवादीचा जुना ट्रॅक रेकॉर्ड -फडणवीसांचा राष्ट्रवादी वर हल्लाबोल
मुंबई :- राज्याचे विरोधी पक्षनेते देवेंद्र फडणवीस (Devendra Fadnavis) यांनी लागोपाठ १४ ट्विट करत राष्ट्रवादीचे (NCP) अध्यक्ष शरद पवार (Sharad Pawar) यांना चांगलेच डिवचले आहे. शरद पवारांकडून जातीय ध्रुवीकरणासाठी विशिष्ट समाजाचे लांगूलचालन केले जात आहे. कलम ३७०, इशरत जहाँ, या मुद्द्यांचा संदर्भ देत फडणवीसांनी पवारांवर हल्लाबोल केला आहे. विशेष म्हणजे फडणवीसांनी ट्विट्ससोबत पवारांच्या वक्तव्यांच्या लिंक्स जोडून निशाणा साधला आहे.
फडणवीस यांच्या ट्विटमध्ये काय आहे ?
आज डॉ. आंबेडकर जयंती असताना, डॉ. बाबासाहेब आंबेडकर (Dr. Babasaheb Ambedkar) यांचा कलम ३७० ला कडाडून विरोध होता, याचे स्मरण करून घेताना राष्ट्रवादीने याबाबत घेतलेल्या भूमिकेवर फडणवीसांनी प्रश्नचिन्ह उपस्थित केले आहे.
‘काश्मीर फाइल्स’ या चित्रपटावरून अलीकडेच शरद पवार यांनी केलेल्या वक्तव्यांचाही समाचार घेतला.
नवाब मलिक यांना अटक होताच, ते मुस्लिम आहेत, म्हणून त्यांचा संबंध दाऊदशी जोडला जातोय, या विधानाचे स्मरण करून दिले.
इशरत जहाँ ही निर्दोष होती, याबाबत पवारांनी केलेल्या विधानाचेही स्मरण.
एवढेच नाही तर राष्ट्रवादीच्या वरिष्ठ नेत्यांनी इशरतच्या मदतीसाठी केलेल्या प्रयत्नांचा उल्लेख.
२०१२ मध्ये आझाद मैदानात हिंसाचारानंतर कशी ढिलाई दाखविली आणि रझा अकादमीवर कारवाई केली नाही, याचाही उल्लेख.
संविधानात धर्माच्या आधारावर आरक्षणाला विरोध असताना मुस्लिम आरक्षणासाठी सातत्याने पुढाकार का घेतला?
अल्पसंख्यक समाज कोणाचाही पराभव करू शकतो, याही विधानाचे स्मरण.
हिंदू टेरर हा शब्दप्रयोग सर्वप्रथम कुणी केला, असे विचारत निशाणा.
सच्चर समितीचा अहवाल लागू करण्यासाठी केलेल्या मागणीचाही उल्लेख
मुंबई बॉम्बस्फोटानंतर १३ वा बॉम्बस्फोट हा मुस्लिम वस्तीत झाल्याचे खोटे सांगितल्यावर प्रश्न उपस्थित
काश्मीर फाइल्समध्ये काश्मिरी पंडितांच्या वेदनांचे चित्रण असताना असा दुटप्पीपणा का? तुमच्या छद्मी धर्मनिरपेक्षतेच्या अजेंड्याला धक्का बसेल म्हणून?
‘काश्मीर फाइल्स’ हा चित्रपट कोणत्याही धर्माच्या विरोधात नाही. मग केवळ अनुनयाच्या हेतूने जातीय विद्वेष पसरविण्याचा प्रयत्न का?
डॉ. बाबासाहेब आंबेडकर यांच्या भारतात हे स्वीकारार्ह नाही! असे म्हणत शरद पवारांवर देवेंद्र फडणवीस यांनी निशाणा साधला आहे.
Disclaimer : बातमीत एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. ग्लोबल न्यूज च्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. तसेच या मजकूराची जबाबदारी अथवा उत्तरदायीत्व ग्लोबल न्यूज स्वीकारत नाही.