दिलासादायक ! राज्यात सोमवारी 71,736 जणांना डिस्चार्ज तर, 48,700 नवे रुग्ण
ग्लोबल न्यूज – राज्यात आज कोरोनाची दिलासादायक आकडेवारी समोर आली आहे. आज दिवसभरात 71 हजार 736 बरे झालेल्या रुग्णांना डिस्चार्ज देण्यात आला असून, 48 हजार 700 नव्या कोरोनाबाधित रुग्णांची नोंद झाली आहे.
आरोग्य विभागाने प्रसिद्ध केलेल्या आकडेवारीनुसार, राज्यातील एकूण कोरोना बाधित रुग्णांची संख्या 43 लाख 43 हजार 727 वर जाऊन पोहोचली आहे. त्यापैकी 36 लाख 01 हजार 796 रुग्ण उपचाराअंती बरे झाले असून, राज्याचा रिकव्हरी रेट 82.92 टक्के एवढा झाला आहे. सध्या राज्यात 6 लाख 74 हजार 770 सक्रिय रुग्णांवर उपचार सुरू आहेत.
राज्यात आज 48700 कोरोना बाधीत रुग्णांची वाढ झाली व आज नवीन 71736 कोरोना बाधित रुग्ण बरे झाले आहेत.एकूण 3601796 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 674770 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 82.92% झाले आहे.#MeechMazaRakshak
— Rajesh Tope (@rajeshtope11) April 26, 2021
आज 524 कोरोना रुग्णांचा मृत्यू झाला, आजवर एकूण 65 हजार 284 जण कोरोनामुक्त मुत्यूमुखी पडले आहेत. राज्याचा कोरोना मृत्यूदर 1.50 टक्के एवढा आहे. सध्या राज्यात 39 लाख 78 हजार 420 जण होम क्वारंटाईन आहेत तर, 30 हजार 398 जण संस्थात्मक क्वारंटाईन आहेत. राज्यात आतापर्यंत 2 कोटी 59 लाख 72 हजार 018 नमूने तपासण्यात आले आहेत.
कोरोना रुग्णसंख्या वाढत असल्याच्या पार्श्वभूमीवर गेल्या सहा दिवसात राज्यभरात ४ लाख ४२ हजार ४६६ रुग्ण कोरोनावर मात करून घरी परतले आहेत. आज ७१ हजार ७३६ रुग्णांना घरी सोडण्यात आले. त्यात सर्वाधिक १३ हजार ६७४ रुग्ण पुणे येथील आहेत.
— Rajesh Tope (@rajeshtope11) April 26, 2021