अभिनेत्री कंगना राणौतचा आगामी चित्रपट ‘इमर्जन्सी’ने रिलीज होण्यापूर्वीच चर्चेत आले आहे. तत्कालीन पंतप्रधान इंदिरा गांधी यांच्या भूमिकेत कंगना राणौत दिसणार आहे. तिच्या या नव्या लूकने सर्वांचे लक्ष वेधून घेतले आहे. दिवंगत राजकारणी जय प्रकाश नारायण यांच्या भूमिकेत अनुपम खेर यांनी सर्वांनाच चकित केले आहे.
दरम्यान, भारतरत्न पुरस्कारप्राप्त माजी पंतप्रधान आणि भाजपचे दिवंगत ज्येष्ठ नेते अटलबिहारी वाजपेयी यांची भूमिका साकारणाऱ्या अभिनेत्याचे नाव आता समोर आले आहे. या भूमिकेसाठी श्रेयस तळपदेला कास्ट करण्यात आले आहे. श्रेयसनं त्याच्या फेसबूक अकाऊंटवरून ही पोस्ट शेअर करत त्याचा चित्रपटातला फर्स्ट लूक प्रदर्शित केला आहे.
भारतरत्न अटलबिहारी वाजपेयी यांच्या भूमिकेत दिसणारा श्रेयस तळपदेचा लूकनं आश्चर्यचकित केले आहे. या पोस्टरमध्ये अटलबिहारी वाजपेयींच्या तरुण वयाची झलक पाहायला मिळत आहे. हा लूक शेअर करताना, श्रेयसनं कॅप्शनमध्ये अटलबिहारी वाजपेयींची एक कविता शेअर केली आहे. बाधाएं आती हैं आएं, घिरें प्रलय की घोर घटाएं, पावों के नीचे अंगारे, सिर पर बरसें यदि ज्वालाएं, निज हाथों में हंसते-हंसते, आग लगाकर जलना होगा। कदम मिलाकर चलना होगा।, असे या कवीतेचे बोल आहेत.
एकनाथ शिंदेंनी कोरोनात जास्त काम केलं, आपलं कामही पक्षप्रमुखांना दिलं
गुवाहाटीचं कौतुक केलं, त्यात वाईट वाटायचं काय? शहाजी बापूंचा पक्षप्रमुखांना सवाल
