सोन्याच्या दरात वाढ तर चांदीच्या दरात घसरण; जाणून घ्या आजचे दर

नवी दिल्ली : दिल्ली सराफा बाजारात आज म्हणजेच 16 नोव्हेंबर 2021 रोजी सोन्याच्या किमतीत वाढ नोंदवण्यात आली. सोन्याप्रमाणे आज चांदीच्या दरातही घसरण झाली. यानंतरही आज चांदीचा भाव केवळ 65 हजार रुपये प्रतिकिलोच्या वर बंद झाला. गेल्या ट्रेडिंग सत्रात दिल्ली सराफा बाजारात सोने 48,294 रुपये प्रति 10 ग्रॅमवर ​​बंद झाले होते. तर चांदीचा भाव 65,577 रुपये प्रति किलोवर बंद झाला. आंतरराष्ट्रीय बाजारात आज सोन्याच्या दरात वाढ झाली, तर चांदीच्या दरात कोणताही मोठा बदल झालेला नाही.

सोन्याची किंमत काय?

मंगळवारी दिल्ली सराफा बाजारात सोन्याच्या दरात प्रति 10 ग्रॅम 94 रुपयांची किरकोळ वाढ नोंदवण्यात आली. त्यामुळे राष्ट्रीय राजधानीत 99.9 ग्रॅम शुद्ध सोन्याचा भाव 48 हजार रुपयांच्या वर राहिला आणि 48,388 रुपये प्रति 10 ग्रॅमवर ​​बंद झाला. त्याच वेळी आज आंतरराष्ट्रीय बाजारात सोन्याचा भाव नोंदवला गेला आणि तो 1,866 डॉलर प्रति औंसवर पोहोचला. MCX वर सोन्याचा डिसेंबर फ्युचर्स भाव 9 रुपयांनी वाढून 49,307 रुपये प्रति 10 ग्रॅम झाला.

चांदीच्या भावातही घसरण

आज चांदीच्या दरात घसरण नोंदवण्यात आली. दिल्ली सराफा बाजारात मंगळवारी चांदीचा भाव 88 रुपयांनी घसरून 65,489 रुपये प्रति किलोवर बंद झाला. त्याच वेळी आज आंतरराष्ट्रीय बाजारात चांदीची किंमत 25.09 डॉलर प्रति औंसवर कायम आहे.

सोन्याची किंमत का वाढली?

एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल यांनी सांगितले की, आज कॉमेक्सवर स्पॉट सोन्याच्या किमती 0.18 टक्क्यांनी वाढल्यात. त्यामुळे भारतीय बाजारातही सोन्याच्या दरात मोठी वाढ झाली. तसेच डॉलर मजबूत झाल्यानंतर आणि अमेरिकन रोखे उत्पन्न मजबूत झाल्यानंतरही सोन्याच्या किमतीत मजबूती नोंदवली गेली. ते अजूनही त्यांच्या उच्च पातळीच्या खाली आहे.

सोन्याचा नवा भाव कसा शोधायचा?

सोन्याचे दर तुम्ही घरबसल्या सहज शोधू शकता, यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही नवीन दर पाहू शकता.

सोन्याची शुद्धता कशी तपासायची?

आता तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवलेय. ‘बीआयएस केअर अॅप’द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धता तपासू शकत नाही, तर त्यासंबंधी कोणतीही तक्रारही करू शकता. या अॅपमध्ये वस्तूंचा परवाना, नोंदणी आणि हॉलमार्क क्रमांक चुकीचा असल्याचे आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदविण्याबाबतही तत्काळ माहिती मिळणार आहे.